မန္တလေးမြို့ ၊ မစိုးရိမ်တိုက်သစ်
ဓမ္မာနုဂ္ဂဟစာမေးပွဲ (တတိယအကြိမ်)
အခြေပြုမူလတန်း - ဝိနည်း မေးခွန်း
၁၃၈၀-ပြည့်၊ တပို့တွဲလပြည့်ကျော် (၉) ရက်၊ (၂၈-၂-၂၀၁၉) ကြာသပတေးနေ့
ခွင့်ပြုချိန်။ ။(၃-နာရီ - မွန်းတည့် ၁၂းဝဝ နာရီမှ ညနေ ၃းဝဝ နာရီအထိ)
--------
၁။ သံဃာဒိသိသ်အာပတ်သင့်ရောက်သော ရဟန်းတို့အတွက် ကုစားပုံအစီအစဉ်ကို ပြသော စကားရပ်ပါဠိ တို့ကို ရေးသားပြခဲ့ပါ။၂။ ဆိုဆုံးမခက်ခဲသော ဂျစ်ကပ်ကပ်ရဟန်းအား ရဟန်းကောင်းတို့က ပြောဆိုဆုံးမပုံကို ပြဆိုသော စကားရပ်တို့ကို အနက်ရေးသားခဲ့ပါ။
၃။ အောက်ပါရဟန်းတို့အား သင့်ရောက်သော အာပတ်တို့ိကို ဖြေဆိုခဲ့ပါ။ (က) ဥစ္စာစောင့်နှင့် မေထုန်မှီဝဲသော ရဟန်း၊ (ခ) လူ၏ ခန္ဓာကိုယ်တွင်း ပူးဝင်သော သရဲကို ဂါထာမန်းမှုတ်၍ သတ်သော ရဟန်း၊ (ဂ) 'ငါသည် သူတပါး၏ စိတ်အကြံအစည်ကို သိနိုင်စွမ်းရှိ၏'ဟု ပြောကြားသော ရဟန်း၊ (ဃ) တပ်မက်သော စိတ်ဖြင့် မာတုဂါမဝတ်သော အင်္ကျီကို ကိုင်သော ရဟန်း၊ (င) လာဘ်လာဘပေါများလိုသော စိတ်ဖြင့် ဗေဒင်ဟောသော ရဟန်း၊
၄။ ပုဗ္ဗကရဏ(၄)ပါးကို ပုဗ္ဗကိစ္စဟု ခေါ်နိုင်^မခေါ်နိုင် အကြောင်းပြ၍ ဖြေဆိုပြီး တတိယပါရာဇိကလာ သေအောင်လုပ်နည်း (၄)နည်းကိုလည်း ပါဠိ+မြန်မာနှစ်ဘာသာဖြင့် ဖြေဆိုခဲ့ပါ။
၅။ ဒုဋ္ဌုလ္လဝါစာသိက္ခာပုဒ်၏ အင်္ဂါတို့ကို ရေးသားဖြေဆို၍ ပထမအနိယတသိက္ခာပုဒ်လာ စွပ်စွဲစောဒနာပုံ (၂)နည်းကိုလည်း ပါဠိသာဓကနှင့်တကွ ဖော်ပြခဲ့ပါ။
တစ်ပုစ္ဆာလျှင် (၁၀)မှတ်စီ။
---------------------------------------------------------------------
မန္တလေးမြို့ ၊ မစိုးရိမ်တိုက်သစ်
ဓမ္မာနုဂ္ဂဟစာမေးပွဲ (တတိယအကြိမ်)
အခြေပြုမူလတန်း - ကစ္စည်းသဒ္ဒါကြီး မေးခွန်း
၁၃၈၀-ပြည့်၊ တပို့တွဲလပြည့်ကျော် (၁၀) ရက်၊ (၁-၃-၂၀၁၉) သောကြာနေ့
ခွင့်ပြုချိန်။ ။(၃-နာရီ - မွန်းတည့် ၁၂းဝဝ နာရီမှ ညနေ ၃းဝဝ နာရီအထိ)
--------
၁။ နာမ်ကျမ်းလာ အာယအပြုကို တားမြစ်သော သုတ်, အာချာတ်ကျမ်းလာ အာယပြုသော သုတ်တို့ကို သုတ် ဝုတ္တိ ဥဒါဟရုဏ် ကုန်စင်အောင် ရေးခဲ့ပါ။
၂။ အောက်ပါသုတ်တို့ကို မှန်ကုန်စွာ သုတ်နက်ရေးခဲ့ပါ။ (က) သန္ဓိတတိယပိုင်း၌ ရဿပြုသောသုတ်၊ (ခ) ယောဝိဘတ်ကြောင့် ဂေါသဒ္ဒါကို အာဝ-ပြုသောသုတ်၊ (ဂ) တုမှသဒ္ဒါ အမှသဒ္ဒါတို့ကို တဝံ မမံ-ပြုသောသုတ်၊ (ဃ) အာချာတ်ကျမ်း၌ ရဿပြုသောသုတ်၊ (င) ဗြူဓာတ်နောင် ဤ-လာသောသုတ်၊
၃။ (က) ဥတ္တတ္တံဝ, သြနဒ္ဓေါ-တို့ကို ပုဒ်ဖြတ်၊ (ခ) ဧကံ+ဣဓ+အဟံ, ယထာ+ဧဝ-တို့ကို ပုဒ်စပ် (ဂ) ဇုဟွတိ, ဇိဂီသတိ-တို့ကို ဓာတ်+ပစ္စည်း+ဝိဘတ် ဝေဘန်ပြခဲ့ပါ။
၄။ (က) အဗ္ဘုဒီရိတံ-ကို သန္ဓိရုပ်၊ (ခ) ဂုဏဝတီ-ကို နာမ်ရုပ်၊ (ဂ) ကရောတိ-ကို အာချာတ်ရုပ်ကျဉ်း တွက်ပြခဲ့ပါ။
၅။ ရတ္တိ-သဒ္ဒါကို ပထမာ, တတိယာ, သတ္တမီဝိဘတ်တို့ဖြင့် နာမပဒမာလာ, အသ-ဓာတ်ကို ဝတ္တမာန်ဝိဘတ် ပရဿပုဒ်ဖြင့် ကတ္တုရုပ် အာချာတပဒမာလာ စဉ်ပြပါ။
တစ်ပုစ္ဆာလျှင် (၁၀) မှတ်စီ။
-----------------------------------------------
မန္တလေးမြို့ ၊ မစိုးရိမ်တိုက်သစ်
ဓမ္မာနုဂ္ဂဟစာမေးပွဲ (တတိယအကြိမ်)
အခြေပြုမူလတန်း - အဘိဓမ္မတ္ထသင်္ဂဟ မေးခွန်း
၁၃၈၀-ပြည့်၊ တပို့တွဲလပြည့်ကျော် (၁၁) ရက်၊ (၂-၃-၂၀၁၉) စနေနေ့
ခွင့်ပြုချိန်။ ။(၃-နာရီ - မွန်းတည့် ၁၂းဝဝ နာရီမှ ညနေ ၃းဝဝ နာရီအထိ)
---------
၁။ ကာမစိတ်(၅၄)ပါးကို ဇာတ်အားဖြင့် ခွဲခြားပြ၍ ပဉ္စမဈန်(၂၃)ပါးကိုလည်း သရုပ်ရေတွက်ပြခဲ့ပါ။
၂။ (က) ပီတိယှဉ်သောစေတသိက် (ခ) ပီတိမယှဉ်သောစေတသိက် (ဂ) ဝိသေသကစေတသိက်တို့ကို သရုပ်ထုတ်ပြခဲ့ပါ။
၃။ (က)သမ္ပယုတ္တာ ယထာယောဂံ၊ တေပညာသ သဘာဝတော-၌ တေပညာသ (ခ) ဧကဝီသတိ ဝေါဟာရေ-၌ ဧကဝီသတိ-အရတို့ကို ထုတ်ပြ၍ (ဂ) ဟဒယဝတ္ထုရုပ်ကို ဧကန်မှီသော စိတ်သရုပ်ကိုလည်း ထုတ်ပြခဲ့ပါ။
၄။ အသညသတ်မှတပါးသော ရူပဘုံ၌ ရုပ်ဖြစ်ပုံပြ စုဏ္ဏိယသင်္ဂဟပါဠိကို ရေးသားပါ။
၅။ ဗောဓိပက္ခိယတရားတို့ ရထိုက်ရာစိတ်ကို သတ်မှတ်ပြသောဂါထာကို အနက်ယောဇနာပါ။
တစ်ပုစ္ဆာလျှင် (၁၀)မှတ်စီ။
--------------------------------------------------------------------------------
မန္တလေးမြို့ ၊ မစိုးရိမ်တိုက်သစ်
ဓမ္မာနုဂ္ဂဟစာမေးပွဲ (တတိယအကြိမ်)
အခြေပြုမူလတန်း - တိကမာတိကာ မေးခွန်း
၁၃၈၀-ပြည့်၊ တပို့တွဲလပြည့်ကျော် (၁၂) ရက်၊ (၃-၃-၂၀၁၉) တနင်္ဂနွေနေ့
ခွင့်ပြုချိန်။ ။(၃-နာရီ - မွန်းတည့် ၁၂းဝဝ နာရီမှ ညနေ ၃းဝဝ နာရီအထိ)
-----------
၁။ ဘုရားလောင်းနတ်သားအား နတ်ဗြဟ္မာများက တောင်းပန်သောစကားရပ်ကို မာတိကာနိဒါန်း လာသည့်အတိုင်း ဖြေဆို၍ မြတ်စွာဘုရား၏ နေမင်းကဲ့သို့ တင့်တယ်စွာ နေတော်မူရာဌာနကိုလည်း ရေးသားဖြေဆိုခဲ့ပါ။
၂။ တစ်ဆယ့်လေးခုမြောက် အာဒိလဒ္ဓနာမတိက်ကို သုံးပဒလုံး စုံလင်အောင် ပါဠိရေး၍ ဒုတိယပဒကိုလည်း အနက်ပေးပြခဲ့ပါ။
၃။ အောက်ဖော်ပြပါ တိက်တို့၏ ပဒတို့ကို အရကောက်ပြခဲ့ပါ။
(က) ဒုတိယသပ္ပဒေသတိက်၏ ဒုတိယပဒ။
(ခ ) အာစယဂါမိတိက်၏ ဒုတိယပဒ။
(ဂ ) ဥပ္ပန္နတိက်၏ တတိယပဒ။
၄။ ပီတိတိက်၏ တတိယပုဒ်အရတရားကို ခန္ဓာအားဖြင့် ဖွဲ့ပြ၍ အတီတာရမ္မဏတိက်၏ ဒုတိယပုဒ် အရကိုလည်း သစ္စာအားဖြင့် ဖွဲ့ပြခဲ့ပါ။
၅။ နိဗ္ဗာန်ကိုသာ တိက်မုတ်ထုတ်ရသော တိက်တို့ကိုဖော်ပြ၍ ပရမတ္ထတရား အကြွင်းအကျန်မရှိသော တိက်တို့ကိုလည်း သင်္ချာမျှ ဖော်ပြခဲ့ပါ။
တစ်ပုစ္ဆာလျှင် (၁၀)မှတ်စီ။
