မန္တလေးမြို့၊ မစိုးရိမ်တိုက်သစ်
အပတ်စဉ်လေ့ကျင့်ခန်းစာမေးပွဲ
စာချတန်း။ ။ သုတ်သီလက္ခန်အဋ္ဌကထာ (ဒုတိယနေ့) မေးခွန်း
၁၃၈၁-ခုနှစ်၊ တပိုတွဲလဆန်း(၁၅)ရက်၊ (၈-၂-၂၀၂၀)စနေနေ့
ခွင့်ပြုချိန်။ ။၄-နာရီ (နေ့လည် ၁၂-နာရီ မှ ညနေ ၄-နာရီ အထိ)
============
(က) ဓမ္မစက္ခုန္တိ ဓမ္မေသု ဝါ စက္ခုံ, ဓမ္မမယံ ဝါ စက္ခုံ။
(ခ) အညေသု ဌာနေသု တိဏ္ဏံ မဂ္ဂါနမေတံ အဓိဝစနံ။
(ဂ) ဣဓ ပန သောတာပတ္တိမဂ္ဂဿေဝ။
၁။ (က)ဝါကျ သံဝဏ္ဏေတဗ္ဗပုဒ်ကို သံဝဏ္ဏနာတို့နှင့်အညီ အနက်ပေးပြပါ။
၂။ (ဂ)ဝါကျကို သာဘောဂပုစ္ဆာ ကျမ်းတက်ပြပါ။
၃။ (ခ ဂ)ဝါကျတို့ကို စောဒကာဘောဂါဒိစတုက္က ထုတ်ပြပါ။
၄။ ဓမ္မမယံ-၌ မယပစ္စည်း အနက်ရှိကြံ၍ သံဝဏ္ဏေတဗ္ဗပုဒ်ကို ဝစနတ္ထပြုပြီးလျှင်၊ ဝစနာဒိစက္ကဖြင့် ဝေဘန်ပြပါ။
၅။ (ခ)ဝါကျ တိဏ္ဏံ-ပုဒ်ကို ဟိတ်ပြင်၍ ဟိတ်သမ္ဗန်ခံပြီးလျှင်၊ အတ္ထာနုရူပပြည့်စံစွာ စာစပ်ပြပါ။
၆။ (က)ဝါကျဖြင့် သိစေအပ်သော အဋ္ဌကထာဘောဂကို သံဝဏ္ဏနာအမည်နှင့် တွဲ့စပ်ပြပါ။
၇။ မဂ္ဂ-ပုဒ်ကို ကိတန္တသမာသ်ဖြစ်သင့်သမျှ ကြံဆ၍ နိရုတ္တိနည်းဖြင့် ရုပ်ပြီးပြပါ။
၈။ (က)ဝါကျ ဓမ္မေသု-အရကို ပြည့်စုံစွာ ကောက်ပြပါ။
၉။ (ခ၊ဂ)ဝါကျလာ စကားရပ်တို့ကို အဓိပ္ပါယ်မပျက်စေဘဲ ဝတ္တမျိုးဂါထာတပုဒ် စီကုံး၍ ဂါထာအမည် ပေးပြပါ။
၁၀။ (က)ဝါကျ ဓမ္မေသု စက္ခုံ-၌ စက္ခုံ-အရတရားကို ကိုယ်ပြု၍ ဘာဝစသည် ပြည့်စုံစွာ ထုတ်ပြပါ။
တစ်ပုစ္ဆာလျှင် (၁၀)မှတ်စီ။
မန္တလေးမြို့၊ မစိုးရိမ်တိုက်သစ်
အပတ်စဉ်လေ့ကျင့်ခန်းစာမေးပွဲ
စာချတန်း။ ။ သုတ်သီလက္ခန်အဋ္ဌကထာ (ဒုတိယနေ့) အဖြေ
၁၃၈၁-ခုနှစ်၊ တပိုတွဲလဆန်း(၁၅)ရက်၊ (၈-၂-၂၀၂၀)စနေနေ့
ခွင့်ပြုချိန်။ ။၄-နာရီ (နေ့လည် ၁၂-နာရီ မှ ညနေ ၄-နာရီ အထိ)
==================================================
၁။ အဖြေမှန်
ဓမ္မစက္ခုံ- လေးပါးသောသစ္စာတရားတို့၌ဖြစ်သော သိမြင်တတ်သော သောတာပတ္တိ မဂ်ဉာဏ်သည်။ (ဝါ) သုံးပါသော အောက်မဂ်ဉာဏ်တရားတို့၌ အကျုံးဝင်သော သိမြင်တတ်သော သောတာပတ္တိမဂ်ဉာဏ်သည်။
(ဝါ) သုံးပါးသော အောက်မဂ်ဉာဏ်တရားတို့တွင် တစ်ပါးအပါအဝင်ဖြစ်သော သိမြင်တတ်
သော သောတာပတ္တိမဂ်ဉာဏ်သည်။
(ဝါ) သမထ,ဝိပဿနာတို့ကြောင့်ဖြစ်သော သိမြင်တတ်သော သောတာပတ္တိမဂ်ဉာဏ်သည်။
(ဝါ) သီလက္ခန် သမာဓိက္ခန် ပညာက္ခန်သာလျှင်ဖြစ်သော သိမြင်တတ်သော သောတာပတ္တိမဂ် ဉာဏ်သည်။ (တစ်နည်း - ၂-မှတ်စီ)
၂။ အဖြေမှန်
အရှင်အဋ္ဌကထာဆရာ ဆရာသည် (က)ဖြင့် ဓမ္မစက္ခု-ပုဒ်၏ အဘိဓာနတ္ထ အဓိပ္ပါယတ္ထကို ဖွင့်ဆိုတော်မူ၏။ (၃-မှတ်)
ဓမ္မစက္ခု-အရ အခြားအရာ၌ကဲ့သို့ အောက်မဂ်ဉာဏ် ၃-ပါးကို ယူရပါမည်လော (၃-မှတ်)
အဘယ်ကိုယူရပါမည်နည်း စုဒ်ကြောင့် (ဂ)မိန့်။ (၂-မှတ်)
အဓိပ္ပါယ်ကား = (ဂ)ဝါကျဖြင့် ဓမ္မစက္ခု-အရ အခြားအရာ၌ကဲ့သို့ အောက်မဂ်ဉာဏ် ၃-ပါးကို မယူရ ဤနေရာ၌ သောတာပတ္တိမဂ်ဉာဏ်ကိုသာ ယူရမည်၏အဖြစ်ကို ငါပြဆိုပါ၏ဟူလိုသော်။
(၂-မှတ်)
မှတ်ချက်။ ။အညဌာန-တို့၌ အောက်မဂ်သုံးပါးတို့ကို ဓမ္မစက္ခု-အရ ယူရပုံမှတစ်ပါး ဤသာမညဖလသုတ်၌ သောတာပတ္တိမဂ်ကိုသာ ဓမ္မစက္ခု-အရ ယူရပုံကိုပြသော ပက္ခန္တရ-ဟု ကျမ်းတက်လျှင်လည်း အမှတ်ပေးပါ။
၃။ အဖြေမှန်
နနု အညေသု-ဌာနေသု တိဏ္ဏံ မဂ္ဂါနမေတံ အဓိဝစနံ။ (၃-မှတ်)
အထ ကသ္မာ ဣဓ သောတာပတ္တိမဂ္ဂဿေဝါတိ ဝုတ္တံ။ (၂-မှတ်)
နနု တသ္မိမ္ပိ အနဓိဂတေ အညေ သံဝတ္တဗ္ဗတာယေဝ အဘာဝါ ဟောန္တိ။
(တစ်နည်း) တဒညေသံ အသမ္ဘဝါ ဟောန္တိ။ ( ၃-မှတ်)
တသ္မာ ဣဓ သောတာပတ္တိမဂ္ဂဿေဝါတိ ဝုတ္တံ။ (၂-မှတ်)
၄။ အဖြေမှန်
ဓမ္မေန နိဗ္ဗတ္တံ စက္ခူတိ ဓမ္မစက္ခု။
ဓမ္မစက္ခု- ဟူသော ပုဒ်ပြီးနိပ္ဖန္နသဒ္ဒါသည် ဝစန။
ဓမ္မေန နိဗ္ဗတ္တံ စက္ခု- ဟူသော ဝိဂြိုလ်ဝါကျသည် ဝစနတ္ထ။
သမထ ဝိပဿနာ၌ဖြစ်သော သောတာပတ္တိမဂ်ဉာဏ်နှင့် အကြောင်းအကျိုး စပ်ခြင်းသမ္ဗန် ကတ်သည် ဝစနဟေတု။
ဣတိ-သဒ္ဒါသည် ဝစနဟေတုဇောတက မည်၏။
သောတာပတ္တိမဂ်ဉာဏ်သည် ဝစနီယ။
သောတာပတ္တိမဂ္ဂ စသော ပရိယာယ်သဒ္ဒါများသည် ဝစနီယတ္ထ။
(ဝိဂ္ဂဟ- ၄ မှတ်၊ ကြွင်း ၁-မှတ်စီ)
၅။ အဖြေမှန်
တိဏ္ဏတ္တာ- ဟု ဟိတ်ပြင် ( ၂-မှတ်)
မဂ္ဂါနံ- ဟု သမ္ဗန်ခံ ( ၂- မှတ်)
၏ - ပေးက
ဂုဏေး သတ္တိမန္တဖြစ်သော သမ္ဗန်
ဂုဏ် သတ္တိဖြစ်သော သမ္ဗန္ဓီ စပ် ( ၃- မှတ် )
တစ်နည်း - တို့သည် - ပေးက
တုလျတ် ဝါစ္စဖြစ်သော ကတ္တား
လိင်္ဂတ် ဝါစက ဖြစ်သောကတ္တီ စပ် ( ၃- မှတ် )
၆။ အဖြေမှန်
(က) ဓမ္မေသု စက္ခုံ- ဖြင့် ဓမ္မေသု ပဝတ္တံ စက္ခု ဓမ္မစက္ခု-ဟု သတ္တမီအာဓာရတ္ထ သမာသ်တွဲစပ်၊ (သမာသလိင်္ဂပဒတ္ထ၊ အဘိဓာနတ္ထ) (၂- မှတ်)
ယင်းသမာသ်၏ အာဓာရအနက်ကိုဟော(သမာသလိင်္ဂတ္ထ) (၁- မှတ်)
သစ္စာလေးပါးတို့၌ (ဝါ) အောက်မဂ်သုံးပါးတို့၌ သိမြင်တတ်သော သောတာပတ္တိမဂ်ဉာဏ်၏ အဖြစ်ကြောင့် ဓမ္မစက္ခုမည်၏ဟူသော အဓိပ္ပါယ်၊(ဘာဝတ္ထ) သိစေပါသည်။ (၁- မှတ်)
ဓမ္မမယံ စက္ခု- ဖြင့် ဓမ္မေန နိဗ္ဗတ္တံ စက္ခု-ဟု မဇ္ဈေလောပီ တတိယာတပ္ပုရိသ် သမာသ်တွဲစပ်၊ (သမာသလိင်္ဂပဒတ္ထ၊ အဘိဓာနတ္ထ) (၁- မှတ်)
ယင်းသမာသ်၏ တတိယာ(ဟိတ်)အနက်ကိုဟော(သမာသလိင်္ဂတ္ထ)
သမထဝိပဿနာတရားတို့ကြောင့်ဖြစ်သော သောတာပတ္တိမဂ်ဉာဏ်သည် ဓမ္မစက္ခုမည်၏ ဟူသောအဓိပ္ပါယ်၊ (ဘာဝတ္ထ) ( ၁- မှတ်)
(တစ်နည်း) ဓမ္မော ယေဝ စက္ခု ဓမ္မစက္ခု-ဟု အဝဓာရဏကမ္မဓာရယ်သမာသ်တွဲစပ်၊ (သမာသလိင်္ဂပဒတ္ထ၊ အဘိဓာနတ္ထ) (၁- မှတ်)
ယင်းသမာသ်၏ အဝဓာရဏဘောအနက်ကိုဟော၊ (သမာသလိင်္ဂတ္ထ) (၁- မှတ်)
သီလက္ခန္ဓ, သမာဓိက္ခန္ဓ,ပညာက္ခန္ဓ တရားသည်သာလျှင် စက္ခု၏အဖြစ်ကြောင့် ဓမ္မစက္ခုမည်၏ဟူသေည အဓိပ္ပါယ်၊ (ဘာဝတ္ထ) သိစေပါသည်။ (၁-မှတ်)
၇။ အဖြေမှန်
မဂ္ဂ-ကား မာရေန္တသဒ္ဒူပပဒ ဂမု-ဓာတ်+ကွိပစ္စည်း၊ ‘‘မာရေန္တဂ’’ဟူလိုလျက် ဝဏ္ဏလောပ -ဖြင့် ရေန္တ-ကို ချေ, ဝဏ္ဏဂမ-ဖြင့် ဂ-လာ, ဝဏ္ဏဝိကာရ-ဖြင့် အာ-ကို အ-ရဿပြု၏ မဂ္ဂ-ဟု ရုပ်ပြီးပါသည်။ (၅)မှတ်။
(တစ်နည်း) မဂ္ဂ-ကား မ-သဒ္ဒူပပဒ ဂမုဓာတ်-ကွိပစ္စည်း။ ‘‘မ-ဂ’’ဟူလိုလျှက် ဝဏ္ဏဂမဖြင့် ဂ-လာ၍ မဂ္ဂ-ဟု ရုပ်ပြီးပါသည်။ (၅)မှတ်။
၈။ အဖြေမှန်
ဓမ္မေသု-အရ
သစ္စာလေးပါးတရား (၅)မှတ်။
(ဝါ) အောက်မဂ်ဉာဏ်သုံးပါးတရားတို့ကို ယူ။ (၅)မှတ်။
၉။ အဖြေမှန်
အညေသု တိဏ္ဏံ မဂ္ဂါနံ၊ ဓမ္မ စက္ခုန္တိ တံ ပဒံ။ (၈)မှတ်။
မဂ္ဂဿေဝ ပဌမဿ၊ ပနာဓိဝစနံ ဣမေ။
ဂါထာအမည်ကား
ပဌမ မကာရ, တတိယ သကာရ ဝိပုလာဂါထာဖြစ်ပါသည်။ (၂)မှတ်။
မှတ်ချက်။ ။ ဝတ္တမျိုးဂါထာဟူသမျှ အမှတ်ပြည့်ပေးရန်။
၁၀။ အဖြေမှန်
စက္ခု-အရ သောတာပတ္တိမဂ်ဉာဏ်ကို ရ၏။ (၂-မှတ်)
ထိုသည် ဓမ္မရတိဌာယီဘာဝ ဓမ္မသိင်္ဂါရ ရသ၊ (၂-မှတ်)
သစ္စာလေးပါးတရား (ဝါ) နိဗ္ဗာန်သည် အာရမ္မဏ၊ (၂-မှတ်)
ပရိကံ ဥပစာ အနုလုံဂေါတြဘူစသော အကြောင်းတရားအဆက်ဆက်သည် ဥဒ္ဒီပန၊(၂-မှတ်)
သောတာပတ္တိဖိုလ် ဖလသမာပတ် စသော အကျိုးတရားအဆက်ဆက်သည် အနုဘာဝ၊
(၂-မှတ်)
No comments:
Post a Comment