မန္တလေးမြို့ ၊ မစိုးရိမ်တိုက်သစ်
ဓမ္မာနုဂ္ဂဟစာမေးပွဲ (တတိယအကြိမ်)
သီးခြားစာသင်တန်း - ဝိနည်း မေးခွန်း
၁၃၈၀-ပြည့်၊ တပို့တွဲလပြည့်ကျော် (၉) ရက်၊ (၂၈-၂-၂၀၁၉) ကြာသပတေးနေ့
ခွင့်ပြုချိန်။ ။(၄-နာရီ - မွန်းတည့် ၁၂းဝဝ နာရီမှ ညနေ ၄းဝဝ နာရီအထိ)
------------
၁။ ကတ္တဗ္ဗာကာရ၏အစွမ်းဖြင့် ပြားသော ဥပုသ်တို့တွင် ပဝါရဏာနေ့၌ ပြုအပ်သော ဥပုသ်၏ ပြုပုံအစီအစဉ် ကို အဋ္ဌကထာလာသည့်အတိုင်း ရေး၍ ဝဇ္ဇနီယာ စ ပုဂ္ဂလာ-၌ ဝဇ္ဇနီယပုဂ္ဂိုလ်တို့ကို ကြဉ်ရခြင်းအကြောင်း ကိုလည်း ရေးခဲ့ပါ။
၂။ သာဓာရဏဝိနိစ္ဆယ၌ ပညတ္တိဝိဓိမေဝ-အရ ပညတ်တို့တွင် အဘယ်ကြောင့် အဘယ်ပညတ်တို့၏အစွမ်းဖြင့် အဋ္ဌကထာဆရာ ဝိနိစ္ဆယပြုပါသနည်း? ဖြေဆို၍ ဝိသုဒ္ဓါပေက္ခော-၌ အဘယ်သည် ဝိသုဒ္ဓိမည်ပါသနည်း? အကြောင်းပြ ဖြေဆိုပါ။၃။ ဒုဋ္ဌုလ္လဝါစာသိက္ခာပုဒ်ဝယ် သြဘာသေယျ-အရ ချီးမွမ်းခြင်းကြောင့် အာပတ်အမျိုးမျိုးသင့်ပုံကို ဝိနိစ္ဆယချ၍ နိက္ခိတ္တမာနတ်ကျင့်ပုံအစီအစဉ်ကိုလည်း အဋ္ဌကထာလာသည့်အတိုင်း ဖြေဆိုပါ။
၄။ (က) သင်္ကန်း(၉)ထည်တို့တွင် တစ်ထည်စီသာ အဓိဋ္ဌာန်တင်ရသော သင်္ကန်းများကို ဖော်ပြ၍ (ခ) ရာဇ သိက္ခာပုဒ်၌ ကပ္ပိယကာရကသရုပ်ကို ရေတွက်ပြကာ ထိုသိက္ခာပုဒ်၌ လိုအပ်သော ကပ္ပိယကာရကကို ညွှန်ပြပြီးလျှင် (ဂ) ဘေသဇ္ဇသိက္ခာပုဒ်၌ တာနိ ပဋိဂ္ဂဟေတွာ-ပါဌ်ဖြင့် ပြအပ်သော အဓိပ္ပါယ် (ဃ) အာရညိကသေနာသနမည်ပုံတို့ကို ရေးခဲ့ပါ။
၅။ စီဝရသိဗ္ဗနသိက္ခာပုဒ်ဝယ် ကိုယ်တိုင်ချုပ်ရာ၌ ချုပ်ပုံထူးခြားခြင်းကြောင့် အာပတ်သင့်ပုံ အထူးကို ရေး၍ ဘိက္ခူဟိ သဒ္ဓိံ သံဝိဘဇိတဗ္ဗံ-၌ ဝေဘန်ပုံကို အဋ္ဌကထာလာသည့်အတိုင်း ရေးခဲ့ပါ။
၆။ (က) အနတိရိတ္တသန္နိဓိယာဝကာလိကကို ဝိကာလ၌ သုံးဆောင်သော ရဟန်း၊ (ခ) သန္နိဓိယာမကာလိက ကို အာဟာရအကျိုးငှာ ဝိကာလ၌ သုံးဆောင်သော ရဟန်းတို့အား သင့်ရောက်သော အာပတ်တို့ကို ဖော်ပြ၍ ယာမကာလိကသရုပ်, တတိယဂရုဘဏ်သရုပ်တို့ကိုလည်း ရေတွက်ပြခဲ့ပါ။
၇။ အဋ္ဌဝတ္ထုကသိက္ခာပုဒ်၌ အဋ္ဌဝတ္ထုကြောင့် အာပတ်သင့်ပုံကို ဖော်ပြ၍ သိက္ခမာန်တို့၏ မဟာသိက္ခမာန်, ဂိဟိဂတ, ကုမာရီဘူတမည်ပုံ အထူးကိုလည်း ဖြေဆိုခဲ့ပါ။
၈။ မနုဿဝိဂ္ဂဟအရ သတ်ခြင်းငှာ တတ်ကောင်းသော အတ္တဘော, မတတ်ကောင်းသော အတ္တဘောတို့ကို ဖော်ပြ၍ စူဠသုဒ္ဓန္တပရိဝါသ်၏ အဓိပ္ပါယ်ကိုလည်း ရေးခဲ့ပါ။
၉။ အနိယတသိက္ခာပုဒ် ပညတ်ရခြင်းအကြောင်းကို ရေး၍ သေခိယသိက္ခာပုဒ်တို့၏ စိတ္တဘေဒကို အကြောင်း ပြ ဖော်ပြကာ ထေယျသတ္ထသမုဋ္ဌာန်ရှိသော သေခိယသိက္ခာပုဒ်ကိုလည်း ပါဠိရေးခဲ့ပါ။
၁၀။ ဝဇ္ဇပဋိစ္ဆာဒိကာသိက္ခာပုဒ်၏ ဝေဒနာဘေဒကို အကြောင်းပြ ဖော်ပြ၍ အဋ္ဌဝတ္ထုကသိက္ခာပုဒ်၌ အသဒ္ဓမ္မဿ-အရ ယူရ^မယူရသော တရားကို ယုတ္တိ, အာဂမပြလျက် ဖော်ပြခဲ့ပါ။
တစ်ပုစ္ဆာလျှင် (၁၀)မှတ်စီ။
--------------------------------------------------------------------
မန္တလေးမြို့ ၊ မစိုးရိမ်တိုက်သစ်
ဓမ္မာနုဂ္ဂဟစာမေးပွဲ (တတိယအကြိမ်)
သီးခြားစာသင်တန်း - သဒ္ဒါ မေးခွန်း
၁၃၈၀-ပြည့်၊ တပို့တွဲလပြည့်ကျော် (၁၀) ရက်၊ (၁-၃-၂၀၁၉) သောကြာနေ့
ခွင့်ပြုချိန်။ ။(၄-နာရီ - မွန်းတည့် ၁၂းဝဝ နာရီမှ ညနေ ၄းဝဝ နာရီအထိ)
-------------
၁။ အတ္ထဉ္စ အက္ခရပဒေသု အမောဟဘာဝါ-၌ အက္ခရ အမောဟဖြစ်ပုံ, ပဒအမောဟဖြစ်ပုံတို့ကို ဖြေဆို၍၊ ဝါ ပရော အသရူပါ-သုတ်၌ အဝဏ္ဏနောင် မချေနိုင်သော သရတို့ကို ပုံစံ (၅)ခုမျှနှင့် ဖော်ပြပြီးလျှင်၊ ဦကာရိယကို သြအသဝဏ်ပြုသော ပုံစံကို (၂)ခုမျှ ထုတ်ပြခဲ့ပါ။
၂။ သီလဝန္တဿ ဈာယိနော, ယေ ဈာနပ္ပသုတာ-တို့၌ ဒွေဘော်မပြုရကြောင်းတို့ကို အသီးသီး ဖြေဆိုပြီး၊ ဗော ဝဿ-အရ ဝ-ကို ဗ-ပြုရာ၌ မည်သည်ဓာတ်တို့၏ ဝ-ကို ဗ-ပြုပါသနည်း? ရူအတိုင်းထုတ်ပြ၍၊ ပရော ဝါ သရော-သုတ်၌ မယူရမည့် ကာရီတို့ကို ပုံစံနှင့်တကွ ညွှန်းဆိုပါ။
၃။ ဣတ္ထိလိင်နာမ်ပေါင်း (၂၀)ကို ရေတွက်ပြပြီး၊ ပုလ္လိင်နာမ်ပေါင်း, နပုလ္လိင်နာမ်ပေါင်း မည်မျှရှိပါသနည်း? သာဓကနှင့်တကွ သင်္ချာမျှ ထုတ်ပြပြီးလျှင်၊ ကမ္ဘာပေါ်၌ ဘာသာပေါင်း (၆၀၀၀)ရှိ၏ဟုဆိုရာ မပျက်စီးသော ဘာသာကို မပျက်စီးရခြင်း အကြောင်းနှင့်တကွ ဖြေရှင်းတင်ပြပါ။
၄။ သန္တသဒ္ဒဿ သော ဘေ ဗော စန္တေ-သုတ်လာ သန္တ-သဒ္ဒါနှင့် ပတ်သက်၍၊ သန္တ-သဒ္ဒါ၏ အနက်အား လျော်စွာ ဝုစ်, ဂိုဏ်းတို့ကို တိကျစွာ ဖော်ပြပြီး၊ ဗြဟ္မာဒိတော-ဟု သုတ်မတည်ဘဲ ဗြဟ္မတော တု သ္မိံနိ-ဟု သုတ်တည်ရကြောင်းကို ဖြေရှင်း၍၊ သတ္ထု, ပိတု-သဒ္ဒါတို့၌ နံဝိဘတ်ကြောင့် ရုပ်ထူးခြားပုံကို သက်ဆိုင်ရာသုတ်ဖြင့် ရှင်းလင်းအောင် ဖြေဆိုခဲ့ပါ။
၅။ ပါဒေန ခဉ္စော-ကို စာစပ်ပြပြီး၊ ဝိသေသနေ စ-သုတ်၌ စ-သဒ္ဒါဖြင့်စီရင်ရသော သဒ္ဒါတို့ကို ပုံစံနှင့်တကွ ဖြေဆိုပြီးလျှင်၊ “ကာရကခြောက်ဖြာ စပ်အပ်ရာ ကြိယာတွင်သာမှတ်” စကားအရ ဒေဝဒတ္တဿ ရုဇတိ-၌ ဒေဝဒတ္တဿ-ကို ကာရကဟု မှတ်နိုင်^မမှတ်နိုင် ရှင်းလင်းစွာ ဖြေရှင်းပြခဲ့ပါ။
၆။ ဗဟုဗ္ဗီဟိမှိ စ-သုတ်၌ ဗဟုဗ္ဗိဟိသမာသ်အရတွင် မပါဝင်သော ဗဟုဗ္ဗီဟိသမာသ် ပုံစံတစ်ခုကို ထုတ်ပြ၍၊ ပုမ္ဘောငဲ့ခိုက်, မငဲ့ခိုက်အားလျော်စွာ ဝိဂ္ဂပြုပြပြီး၊ မံဒီပါ, အဍ္ဎဋ္ဌမရတနော-ပုဒ်တို့ကို သမာသ်ဝိဂ္ဂဟပြု၍ သမာသ်အမည်ပေးခဲ့ပါ။
၇။ ဝုဒ္ဓါဒိသရဿ ဝါ သံယောဂန္တဿ သဏေ စ-သုတ်ကို ဝါ-သဒ္ဒါ ပကတိဝိကပ်, ဝုဒ္ဓိဝိကပ်ကြံကာ သုတ်နက်ပေး၍၊ ယင်းအားလျော်စွာ စ-သဒ္ဒါ၏ အနက်ကိုလည်း ဖော်ထုတ်ပြီး၊ အယုဝဏ္ဏာနဉ္စာယော ဝုဒ္ဓိ-သုတ်ကိုလည်း ယင်းဝိကပ်အားလျော်စွာ သုတ်နက်ပေး၍၊ စ-သဒ္ဒါ၏ အနက်ကိုလည်း ရေးသား ဖြေဆိုပါ။
၈။ ဘူဝါဒိဂဏိကဣကာရန္တဓာတ်နှင့် ရုဓာဒိဂဏိကဓာတ်တို့၏ ဗိန္ဒုလာရာ ထူးခြားချက်ကို ရေးပြီး၊ အာသဓာတ်ကို ဥပ-ဥပသာရပုဒ် ရှိ-မရှိအားလျော်စွာ အဇ္ဇတနီပရဿပုဒ် ပဌမပုရိသ် သုဒ္ဓကတ္တုရုပ် အာချာတပဒမာလာစဉ်၍၊ တိဇ ဂုပ-သုတ် ဘုဇ ဃသ-သုတ်တို့ဖြင့် သက်အပ်သောပစ္စည်းတို့၏ ထူးခြားချက် ကိုလည်း ရေးခဲ့ပါ။
၉။ ဓဎဘဟေဟိ-သုတ်၌ ဟ-ကာရန္တဓာတ်တို့ကို ပုံစံနှင့်တကွ အထောက်ပြလျက် ဖော်ထုတ်ပြီး၊ ဗုဓာ လဘန္တိ-၌ ဗုဓာ-ကို ကိတ်ရုပ်ကျဉ်းစီရင်၍၊ ဒိဂုသမာသ် ဧကတ္တီဘော ဖြစ်ပုံကိုလည်း ပုဒ်စစ်အတိုင်း ရေးသားခဲ့ပါ။
၁၀။ ယေန ဗျာဓိမတာ အင်္ဂေန အင်္ဂိနော ဝိကာရော လက္ခီယတေ-၌ ရနိုင်သော သံဝဏ္ဏနာကို အကြောင်း နှင့်တကွ ရေးပြီး၊ သေယျတ္ထိကော ပဒမတော-ဝယ် သေယျတ္ထိကော-၌ ရနိုင်သော နည်း, ဥပစာတို့ကို ရေးသားဖြေဆိုခဲ့ပါ။
တစ်ပုစ္ဆာလျှင် (၁၀) မှတ်စီ။
------------------------------------------------------------------
မန္တလေးမြို့ ၊ မစိုးရိမ်တိုက်သစ်
ဓမ္မာနုဂ္ဂဟစာမေးပွဲ (တတိယအကြိမ်)
သီးခြားစာသင်တန်း - သင်္ဂဟ မေးခွန်း
၁၃၈၀-ပြည့်၊ တပို့တွဲလပြည့်ကျော် (၁၁) ရက်၊ (၂-၃-၂၀၁၉) စနေနေ့
ခွင့်ပြုချိန်။ ။(၄-နာရီ - မွန်းတည့် ၁၂းဝဝ နာရီမှ ညနေ ၄းဝဝ နာရီအထိ)
-----------
၁။ ကောင်းကင်ဘုံရှိ ဘုရားသည် အလိုအလျောက် ဘုရားရာထူး ရသကဲ့သို့ မိမိတို့ ဂေါတမဗုဒ္ဓသည် အလိုအလျောက် (အကြောင်းမဲ့) ဘုရားဖြစ်လာခဲ့သည်ဟု အခြားသူတို့ ဆိုလာပါက ယုတ္တိရှိ^မရှိ သဘာဝယုတ္တိ, သင်္ဂဟယုတ္တိတို့ဖြင့် ဖြေရှင်းပြီး၊ ဓာရေတီတိ ဓမ္မော-၌ ဖိုလ်၏ ဓာရဏသတ္တိကို သင်္ဂဟသာဓကဖြင့် အကျယ်ရှင်းခဲ့ပါ။
၂။ နိယတာ ဧကတောဝ-၌ နိယတ-ပုဒ်ဖြင့် ပြအပ်သော အနွယ, ဗျတိရေကအဓိပ္ပါယ်တို့ကို ယုတ္တိနှင့်တကွ ဖေါ်ပြ၍၊ မိဒ္ဓသည် ရုပ်တရားဖြစ်၏-ဟူသော အယူအဆ သင့်, မသင့် ထိမိသော အကြောင်းတို့ဖြင့် ဖြေရှင်းခဲ့ပါ။
၃။ အဟိတ် တေရ၊ ဧက နှစ်ဆယ်-၌ ဧက နှစ်ဆယ်-ကို ကောက်ပြပြီး၊ ဘွင်ကို နေရာတိကျစွာ ညွှန်းဆိုလျက် ဘွင်ခြောက်ဌာနကို ရေတွက်ပြ၍၊ ဒေါသမူစိတ်ကို (က) အာရုံယူခိုက် ၎င်းင်း၏ အာရမ္မဏိကတရား၊
(ခ) အာရမ္မဏိကယူခိုက် ၎င်းင်း၏ အာရုံတရားတို့ကို သင်္ဂဟသာဓကထောက်၍ ဖြေဆိုခဲ့ပါ။
၄။ ဒေါမနဿသဟဂတဇဝနာဝသာနေ သောမနဿသဟဂတာနိ-ဟု သင်္ဂဟဆရာ မဆိုခြင်းအကြောင်းကို ပဋ္ဌာန်းပါဠိအရ အကျယ်ရှင်းပြီး၊ ဘုရားရှင်တန်ခိုးပြာဋိဟာ ပြရာ၌ ပစ္စဝေက္ခဏာဇောတို့ လေးကြိမ်စောခြင်း အကြောင်းကို ရေးခဲ့ပါ။
၅။ အထက် ဘဝဂ်၊ အောက် အဝီစိ-ဆိုသည့်အတိုင်း ဘဝဂ်ဘုံရှိ ရဟန္တာပုဂ္ဂိုလ်၏သန္တာန်၌ ရရှိသော ဝီထိစိတ် တို့ကို ရေတွက်ပြီး၊ အနာဂါမ်ပုဂ္ဂိုလ်၏ နိရောဓသမာပတ္တိဝီထိကို ဆိုရိုးကျ အကျဉ်းချုပ် ချပြပါ။
၆။ ရူပါဝစရကုသလံ ပန(ပ) ဗြဟ္မပါရိသဇ္ဇေသု ဥပ္ပဇ္ဇတိ-စသော စကားနှင့် ဈာန်ရပုဂ္ဂိုလ်များ သေပြီးနောက် ကာမဘုံမှာလည်း ဖြစ်နိုင်၏-ဟူသောစကားတို့ မဆန့်ကျင်အောင် ညှိနိုင်းပြ၍၊ အနေဇော သန္တိမာရဗ္ဘ ၊ ယံ ကာလမကရီ မုနိ-ဟူသော မဟာပရိနိဗ္ဗာနသုတ်ပါဠိ၌ ဧကေဝါဒ, သမာနဝါဒတို့ကို ဖေါ်ပြ၍၊ ဆဒွါရဂ္ဂဟိတံ ကမ္မနိမိတ္တံ ဂတိနိမိတ္တဉ္စ-ဝါကျကို သမာနဝါဒ, အပရေဝါဒတို့အလို အဓိပ္ပါယ်ဖေါ်ပြပြီး၊ အပရေဝါဒ သင့်, မသင့် ရှင်းပြခဲ့ပါ။
၇။ သံသေဒဇပုဂ္ဂိုလ်တို့အား ဃာနပသာဒချို့နိုင်^မချို့နိုင် ယူဆချက်ကို ဋီကာကျော်, မူလဋီကာတို့အလို အသီးအသီး အကြောင်းသွင်း ရှင်းလင်း၍ မူလဋီကာဆရာ၏ယူဆချက် သင့်^မသင့်ကိုလည်း ရှင်းပြပါ။
၈။ တဏှာကြောင့် ကာမုပါဒါန်ဖြစ်ပုံကို ဖေါ်ပြ၍၊ အတ္ထိ, အဝိဂတပစ္စည်းတို့နှင့် ပတ်သက်၍ ဋီကာကျော် ဆရာ၏ တိုက်တွန်းချက်ကိုလည်း ရေးသားခဲ့ပါ။
၉။ ခန္ဓာဒိနယမာရဗ္ဘ ကလာပဝသေန-၌ ခန္ဓာငါးပါးကို ကလာပသမ္မသနနည်းဖြင့် ပွားများပုံကို အကျဉ်းမျှ ဖေါ်ပြ၍၊ အတ္တာဘိနိဝေသံ-၌ အတ္တာဘိနိဝေသဖြစ်ပုံကို ရေးသားပါ။
၁၀။ ဣဿာမစ္ဆေရကုက္ကုစ္စ-ဝိရတိကရုဏာဒယော၊-ဂါထာကို ဝါဒစုံလင်စွာ အနက်ပေး၍၊ ဋီကာကျော်ဆရာ၏ ဆရာအမည်၊ မြို့၊ ကျောင်းတိုက်၊ အရှင်သုမင်္ဂလထေရ် ဋီကာကျော်ကျမ်းစာ ရေးသားရာ၌ ကြာမြင့်သော ရက်အရေအတွက်တို့ကို ရေးသားခဲ့ပါ။
တစ်ပုစ္ဆာလျှင် (၁၀)မှတ်စီ။
-----------------------------------------------------------------------------------
မန္တလေးမြို့ ၊ မစိုးရိမ်တိုက်သစ်
ဓမ္မာနုဂ္ဂဟစာမေးပွဲ (တတိယအကြိမ်)
သီးခြားစာသင်တန်း - ဂါထာ မေးခွန်း
၁၃၈၀-ပြည့်၊ တပို့တွဲလပြည့်ကျော် (၁၂) ရက်၊ (၃-၃-၂၀၁၉) တနင်္ဂနွေနေ့
ခွင့်ပြုချိန်။ ။(၄-နာရီ - မွန်းတည့် ၁၂းဝဝ နာရီမှ ညနေ ၄းဝဝ နာရီအထိ)
----------------
၁။ ဝိမာန, ဗျမှ-သဒ္ဒါတို့၏ လိင်ကို ဋီကာအလို အကြောင်းပြ ဆုံးဖြတ်ပြီး၊ ယင်းအဆို၌ သင့်^မသင့်ကိုလည်း အကြောင်းယုတ္တိပြ ဖြေဆိုပါ။
၂။ အောက်ပါတို့ကို မြန်မာဘာသာ ပြန်ဆိုခဲ့ပါ။
(က) သီကရ (ခ) နတ္ထု (ဂ) ဝရဏ (ဃ) ဆာပ (င) ဒုဂ္ဂ
(စ) စဏက (ဆ) ဝီရု (ဇ) ဗိလ (ဈ) တတ (ည) ဆာတ
၃။ အောက်ပါတို့ကို ပါဠိဘာသာ ပြန်ဆိုခဲ့ပါ။
(က) လ၏အစိတ် (ခ) ဖျော့သောအဆင်း (ဂ) အစပ် (ဃ) သင်္ခမ်းကျောင်း (င) ဆံဖြူ
(စ) အကျော်နက် (ဆ) မှိန်း (ဇ) တောင်ဝှေး (ဈ) ခြေနင်း (ည) ပန်းရင်း
၄။ ဗောဓိ-သဒ္ဒါ ဟောနိုင်သော အနက်တို့ကို လိင်အားလျှော်စွာ ခွဲခြားဖြေဆို၍ ဝေဒ-သဒ္ဒါ, နူန-သဒ္ဒါတို့၏ အနက်တို့ကိုလည်း ဖော်ပြပါ။
၅။ သဒ္ဒေါ ဒဗ္ဗေဝ ဂယှတေ-ကို ဟိတ်ပုဒ် သမ္ဗန်ပုဒ်ထည့်စွက်လျှက် ဋီကာအလို ဒီပနီအလို အနက်ပေးပြီး၊ သဒ္ဒေါ အတ္ထံ ဝဒတိ-၌ မုချစသော ကာရက(၃)မျိုးကိုလည်း ဝဒန္တ သုဏန္တအားလျှော်စွာ ကောက်ပြခဲ့ပါ။
၆။ ပကတိ ပစ္စယ ခွဲခြားပုံနှင့် ပတ်သက်၍ ကေစိဆရာတို့အလို ပကတိ-အရကို ဖော်ပြ၍၊ ယင်းအယူအဆ သင့်^မသင့်ကိုလည်း ဘေဒစိန္တာအထောက်ပြ၍ ဆုံးဖြတ်ခဲ့ပါ။
၇။ သုဒ္ဓဝါကျ၌ ကတ္တားသည် ကာရိုက်ဝါကျသို့ ရောက်သောအခါ အဘယ့်ကြောင့် ကာရိုက်ကံ ဖြစ်ရသည်ကို ဖြေဆို၍၊ ကာရိုက်ကံဟောဝါကျ၌ ကာရိုက်ကံ ဓာတ်ကံ (၂)မျိုးတို့တွင် အဘယ်ကံကို ဟောသည်ကိုလည်း ဘေဒစိန္တာဆရာ ဇင်္ဃဒါသဆရာတို့အလို ခွဲခြားဖြေဆိုခဲ့ပါ။
၈။ ကြိယံ အာစိက္ခတီတိ အာချာတံ-ဟူသော စကားကို ကေစိဆရာတို့အလို အနက်ပေးပြီး၊ ယင်းအနက် ပေးပုံ သင့်^မသင့်ကိုလည်း အကြောင်းပြ ဆုံးဖြတ်ပါ။
၉။ ယု စာကတ္တရိ ဘာဝသ္မိံ-ကို ဋီကာဟောင်း ဋီကာသစ်တို့အလို အနက်ပေး၍၊ ယင်းအနက်အား လျှော်စွာ ယုပစ္စည်း၏ လိင်ကိုလည်း ဆုံးဖြတ်ခဲ့ပါ။
၁၀။ သန္တုဿကော စ သုဘရော စ၊ အပ္ပကိစ္စော စ သလ္လဟုကဝုတ္တိ။
သန္တိန္ဒြိယော စ နိပကော စ၊ အပ္ပဂဗ္ဘော ကုလေသွနနုဂိဒ္ဓေါ။ ဂါထာကို ဆန်းစစ်၍ ဂါထာအမည်ပေးခဲ့ပါ။
တစ်ပုစ္ဆာလျှင် (၁၀) မှတ်စီ။
--------------------------------------------------------------------------------------
မန္တလေးမြို့ ၊ မစိုးရိမ်တိုက်သစ်
ဓမ္မာနုဂ္ဂဟစာမေးပွဲ (တတိယအကြိမ်)
သီးခြားစာသင်တန်း - ညဝါ မေးခွန်း
၁၃၈၀-ပြည့်၊ တပို့တွဲလပြည့်ကျော် (၁၃) ရက်၊ (၄-၃-၂၀၁၉) တနင်္လာနေ့
ခွင့်ပြုချိန်။ ။(၄-နာရီ - မွန်းတည့် ၁၂းဝဝ နာရီမှ ညနေ ၄းဝဝ နာရီအထိ)
---------------
၁။ ဘုရားအလောင်းတို့၏ ပဋိသန္ဓေစိတ်ကို အဋ္ဌကထာ, အာစရိယဝါဒအားလျော်စွာ တိကျစေလျက် အရ ကောက်ပြီးလျှင် “လက်တော်သို့ရောက်ပြီးသော နိဗ္ဗာန်ချမ်းသာကို စွန့်သဖြင့်”ဟူရာ၌ “လက်တော်”ဟူသော စကားအရ ပရမတ္ထတရားကို ဝါဒစုံစေလျက် အရကောက်ပြပါ။
၂။ ဥပ္ပန္နတိက်၏ တိက်မုတ်တရားတို့ကို ရှေးဆရာတို့အလိုကျ အရကောက်ပြ၍ ယင်းဆရာတို့အလို သင့်^မသင့် ရှင်းပြပြီးလျှင် ယင်းတိက်၏ တတိယပုဒ်၌ ဝိပါက်ကမ္မဇရုပ်တို့ကို အရကောက်ယူရခြင်းအကြောင်း ကိုလည်း ဖြေဆိုပါ။
၃။ နော ပရာမာသာ ဓမ္မာ ပရာမာသသမ္ပယုတ္တာပိ, ပရာမာသဝိပ္ပယုတ္တာပိ-ဟူသော ဒုက်အရတရားနှင့် ပရာမာသသမ္ပယုတ္တဒုက်၏ ဒုက်မုတ်တရားကို အရကောက်ပြ၍ ပရာမာသပရာမာသသမ္ပယုတ္တဒုက်ဟု ရှိနိုင်^မရှိနိုင် အကြောင်းပြ ဆုံးဖြတ်ပါ။
၄။ သုတ္တန္တိကမာတိကာ အဇ္ဇဝဒုက်၏ ပထမပုဒ်အရကို အဋ္ဌကထာဆရာ, ရှေးဆရာတို့အလိုကျ အရကောက် ပြ၍ သုတ္တန္တိကမာတိကာ၌ သပ္ပဒေသဒုက်, နိပ္ပဒေသဒုက်တို့၏ အရေအတွက်ကို သင်္ချာမျှ ဖော်ပြပါ။
၅။ ဆဋ္ဌနယ၌ ဟောတော်မူအပ်သော ပဒအရေအတွက်ကို အဋ္ဌကထာနည်း ဋီကာနည်းအားဖြင့် သင်္ချာမျှ ခွဲခြားဖော်ပြ၍ ရူပက္ခန္ဓော ကတိဟိ ခန္ဓေဟိ သင်္ဂဟိတော-ကို အနက်(၂)နည်း ယောဇနာခဲ့ပါ။
၆။ ဥပေက္ခိန္ဒြိယေန ယေ ဓမ္မာ-ကို အဋ္ဌမနယ, နဝမနယတို့နှင့်အညီ အနက်ပေးပြီးလျှင် စုဒ္ဒသ ဆ စ မတ္ထကေ-၌ ဆ-သင်္ချေယျပဒတို့ကို ထုတ်ပြပါ။
၇။ စိတ္တဇရုပ်တို့သည် စိတ်ကြောင့်သာ ဖြစ်သလော? သို့မဟုတ် စေတသိက်ကြောင့်သာ ဖြစ်သလော? ရှင်းပြ၍ ယေ ဝါ ပန ဟေတုမူလေန ဧကမူလာ၊ သဗ္ဗေ တေ ဓမ္မာ ဟေတူတိ-ကို ဝိဘင်းထုတ်၍ နှစ်ဘက်ရ တရားမျှကိုသာ အရကောက်ပြပါ။
၈။ ယဿ ရူပက္ခန္ဓော နုပ္ပဇ္ဇတိ၊ တဿ ဝေဒနာက္ခန္ဓော နုပ္ပဇ္ဇိဿတီတိ-ဟူသောပုစ္ဆာ၏ ဝိဿဇ္ဇနာပါဠိကိုသာ ရေးပြီးလျှင် ကမ္မဇကလာပ်လေးစည်းဟူရာ၌ ဖြစ်သင့်သော ကလာပ်များကို ဋီကာ, အဋ္ဌကထာတို့အလိုကျ ခွဲခြား ရေတွက်ပြပါ။
၉။ သမ္မာဝါယာမ သမ္မာသတိတို့ကို သမာဓိဂန္ဓဟု ဆိုရခြင်းအကြောင်းကို ရှင်းပြပြီးလျှင် စက္ခာယတနဖြစ်ဆဲ သောတာယတနဖြစ်လတ္တံ့သော ပုဂ္ဂိုလ်တို့ကိုလည်း ဆိုးရိုးကျ ရေးပါ။
၁၀။ ဒုက္ခသစ္စာ မဂ္ဂသစ္စာနှစ်ပါးစုံ ဖြစ်ဘူးသော ပုဂ္ဂိုလ်တို့ကို ဆိုရိုးကျ ရေး၍ သစ္စယမိုက် ပရိညာဝါရ၌ မဟော သောသစ္စာတို့ကိုလည်း အကြောင်းနှင့်တကွ ဖြေဆိုပြီးလျှင် ဒုက္ခသစ္စံ ပရိဇာနာတိ-ဝယ် ရအပ်သော ပရိညာတို့ကိုလည်း ဖြေဆိုပါ။
တစ်ပုစ္ဆာလျှင် (၁၀)မှတ်စီ။
No comments:
Post a Comment