မန္တလေးမြို့ ၊ မစိုးရိမ်တိုက်သစ်
ဓမ္မာနုဂ္ဂဟစာမေးပွဲ (တတိယအကြိမ်)
ပထမလတ်တန်း - ဝိနည်း မေးခွန်း
၁၃၈၀-ပြည့်၊ တပို့တွဲလပြည့်ကျော် (၉) ရက်၊ (၂၈-၂-၂၀၁၉) ကြာသပတေးနေ့
ခွင့်ပြုချိန်။ ။(၃-နာရီ - မွန်းတည့် ၁၂းဝဝ နာရီမှ ညနေ ၃းဝဝ နာရီအထိ)
---------
၁။ မလျောက်ပတ်သောအကျင့်ကို ကျင့်လို၍ ဆွမ်းခံအတူသွားသော အဖော်ရဟန်းကို ပြန်လွှတ်သော ရဟန်းအား အပြစ်ပြ သိက္ခာပုဒ်နှင့် တစ်ပါးတည်း ခရီးသွားသော ဘိက္ခုနီမအား အပြစ်ပြ သိက္ခာပုဒ်တို့ကို ပါဠိရေးပါ။၂။ ဘိက္ခုနီ သုဒ္ဓပါစိတ် ပဉ္စမဝဂ် ငါးခုမြောက်သိက္ခာပုဒ်ကို အနက်ယောဇနာပြပါ။
၃။ ကျောင်းဒါယကာမရှိဘဲ မိမိနေဖို့ရန် ကျောင်းဆောက်လိုသော ရဟန်းတော်များ လိုက်နာရမည့်ကျင့်ဝတ် တို့ကို ဖြေဆို၍ ည(၁၂)နာရီအချိန်၌ ဒုကုဋ်သင်္ကန်းနှင့် ကင်း၍နေသောရဟန်းအား ဥဒေါသိတသိက္ခာပုဒ် အရ အာပတ်သင့်^မသင့် ဖြေဆိုကာ ယင်းဒုကုဋ်သင်္ကန်းနှင့် ညဉ့်ကင်း၍နေနိုင်သော ရဟန်း၏ အင်္ဂါတို့ကို ဖြေဆိုပါ။
၄။ ဆွေမျိုးမတော်သူတို့ထံ၌ (က) သင်္ကန်းတောင်းသင့်ရာအခါ၊ (ခ) တောင်းသင့်သော အညာတက၊ (ဂ) တောင်းသင့်သော သင်္ကန်းပမာဏတို့ကို ဖြေဆို၍ သင်္ကန်းလှူဒါန်းမည့်ဒါယကာထံသို့ သွား၍ 'ဘုန်းကြီးတွေ မဝတ်တဲ့တရုတ်သင်္ကန်းမလှူနဲ့, မာတင်သင်္ကန်းလှူ'ဟု ပြောဆိုက ဝိနည်းတော်နှင့် ညီ^မညီ သိက္ခာပုဒ်အထောက်ပြ ဆုံးဖြတ်ပါ။
၅။ သံဃိကဖြစ်သော အင်းပျဉ်ကို လွင်တီးခေါင်၌ ကိုယ်တိုင်ခင်းပြီး အခြားနေရာသို့ သွားလိုလျှင် အဘယ်ကဲ့သို့ ပြုကျင့်ရမည်ကို ဖြေဆို၍ မဇ္ဈိမဒေသ၌ (၁၅)အတွင်း ရေချိုးနိုင်သော အခါတို့ကို ဖြေဆိုကာ အဋ္ဌဝတ္ထုကာ သိက္ခာပုဒ်လာ ဝတ္ထု(၈)ပါးတို့ကို ဖြေဆိုပါ။
၆။ မွေးဖွားပြီးစလူမိန်းကလေးအား ကိုယ်လက်နှီးနှောခြင်း, ရုန့်ရင်းသော စကားတို့ဖြင့် ပြောဆိုခြင်းအမှုတို့ကို ပြုသော ရဟန်းအား အာပတ်သင့်^မသင့် အကြောင်းပြ ဖြေဆို၍ ဒုဋ္ဌဒေါသသိက္ခာပုဒ်လာ ပါရာဇိကေန-အရ တိကျစွာ ကောက်ပြပြီး ဝဒတု သဟဓမ္မေန-၌ သဟဓမ္မအရကို ကောက်ပြပါ။
၇။ အကာလစီဝရ(၃)မျိုးတို့တွင် အကာလစီဝရသိက္ခာပုဒ်၌ ယူရမည့် အကာလစီဝရကို ဖြေဆိုကာ ပုရာဏစီဝရ သိက္ခာပုဒ်၌ အလိုရှိအပ်သော ပုရာဏစီဝရကို တိကျစွာ ဖြေဆို၍ ပထမဥပက္ခဋ သိက္ခာပုဒ်လာ စီဝရစေတာပန္နနှင့် ရာဇသိက္ခာပုဒ်လာ စီဝရစေတာပန္န (၂)ခုတို့၏ အထူးကို ဖြေဆိုပါ။
၈။ စီဝရအစ္ဆိန္ဒနသိက္ခာပုဒ်လာ သာမံ စီဝရံ ဒတွာ-ဝယ် ဤ၌ အလိုရှိအပ်သော ပေးခြင်းကို ဖြေဆို၍ 'အဘယ်မှာ လှူရမည်နည်း'ဟု ဒါယကာတို့ မေးလျှောက်လာခဲ့သော် အာပတ်မသင့်အောင် မည်ကဲ့သို့ ပြောဆိုညွှန်ပြ ရမည်ကို ဖြေဆိုပါ။
တစ်ပုစ္ဆာလျှင် (၁၀)မှတ်စီ။
-------------------------------------------------------------------------------
မန္တလေးမြို့ ၊ မစိုးရိမ်တိုက်သစ်
ဓမ္မာနုဂ္ဂဟစာမေးပွဲ (တတိယအကြိမ်)
ပထမလတ်တန်း - ကစ္စည်းသဒ္ဒါကြီး မေးခွန်း
၁၃၈၀-ပြည့်၊ တပို့တွဲလပြည့်ကျော် (၁၀) ရက်၊ (၁-၃-၂၀၁၉) သောကြာနေ့
ခွင့်ပြုချိန်။ ။(၃-နာရီ - မွန်းတည့် ၁၂းဝဝ နာရီမှ ညနေ ၃းဝဝ နာရီအထိ)
------------
၁။ တဒ္ဓိတ်ကျမ်းလာ ဏျပစ္စည်းကြောင့် ဝုဒ္ဓိပြုရမည်ဖြစ်ပါလျက် မပြုရဟု တားမြစ်သော သုတ်နှင့် အာချာတ် ကျမ်းလာ ဏယပစ္စည်းနှောင်းရာဝယ် ဒီဃပြုသော သုတ်တို့ကို သုတ် ဝုတ္တိ ဥဒါဟရုဏ် ကုန်စင်အောင် ရေးပြပါ။
၂။ အောက်ပါသုတ်တို့ကို သုတ်နက်ရေးခဲ့ပါ။ (က) ဤ,ဦအက္ခရာနောင် ပစ္စည်းသက်သော သုတ်၊ (ခ) အသဗ္ဗဓာတ်အမည်မှည့်သော သုတ်၊ (ဂ) ရအနုဗန်ပစ္စည်း နှောင်းရာဝယ် ဓာတွန်ရကို ချေသော သုတ်၊
၃။ ဒေဝဒတ္တဿ သုဝဏ္ဏစ္ဆတ္တံ ဓာရယတေ ယညဒတ္တော-၌ အဘယ်ကြောင့် အဘယ်ပုဒ်သည် သမ္ပဒါန်ဖြစ်ရ ပါသနည်း? သာဓကပြ ဖြေဆို၍ တထာ ကတ္တရိ စ-သုတ်ဖြင့် ပုဗ္ဗရုပ်ပြုရမည့်အက္ခရာတို့ကို ဖော်ပြပြီး ဂစ္ဆ-ဝယ် ဒီဃမပြုရခြင်းအကြောင်းကိုလည်း ဖြေဆိုခဲ့ပါ။
၄။ ယော ဝေါ အာနန္ဒ မယာ ဓမ္မော စ ဝိနယော စ ဒေသိတော ပညတ္တော-ဝယ် ဝေါ-၌ ဝိဘတ္တိ, ဝိဘတ္တိဝိဓိ သုတ်တို့ကို ဖော်ပြ၍ အောက်ပါတို့ကို ဓာတု, ပစ္စယ, ဝိဘတ္တိတို့ဖြင့် ဝေဖန်ပြပါ။ (က) ဣဇ္ဇတေ (ခ) ဝိသတိ (ဂ) ရတ္တော (ဃ) သန္တော
၅။ ကုဒါသာ-၌ ကဒ်-မပြုရခြင်းအကြောင်းကို ဖြေဆို၍ ဘဒ္ဒေါ, ဒဏ္ဍိကော-တို့ကို ဝစနတ္ထပြု အသီးသီး အမည်ပေးပြပြီး ပုရိသော-ကို လျဉ်းပါး၍ တဒ္ဓိတ်ရုပ်တွက်ပြပါ။
၆။ ကာရဏတ္ထေ စ-သုတ်သည် နိစ္စဝိဓိလော? အနိစ္စဝိဓိလော? အကြောင်းပြ ဆုံးဖြတ်ပြပြီး သရော ရဿော နပုံသကေ-သုတ်၌ အဗျယီဘာဝသဒ္ဒါမလိုက်သဖြင့် ရနိုင်သော အကျိုးကိုလည်း ဖြေဆိုပြပါ။
၇။ ဣတ္ထိယံ ဘာသိတပုမိတ္ထီ ပုမာဝ စေ-သုတ်၏ စီရင်ရာသမာသ်ကို အကြောင်းပြ သတ်မှတ်ပြပြီး တဒဿတ္ထီတိ ဝီ စ-သုတ် စသဒ္ဒါအစီအရင်ကို ပုံစံနှင့်တကွ တွဲစပ်ပြ၍ သဗ္ဗနာမေဟိ ပကာရဝစနေ တု ထာ-၌ ပကာရအဓိပ္ပါယ်ကိုလည်း ဖြေဆိုပြပါ။
၈။ (က) ကာရကန္တရပတ္တသမ္ပဒါန် (ခ) အင်္ဂါသိတသင်္ချာ-တို့ကို ပုဒ်စစ်ကျမ်းလာအတိုင်း ဖြေဆိုပါ။
တစ်ပုစ္ဆာလျှင် (၁၀)မှတ်စီ။
-----------------------------------------------------------------------
မန္တလေးမြို့ ၊ မစိုးရိမ်တိုက်သစ်
ဓမ္မာနုဂ္ဂဟစာမေးပွဲ (တတိယအကြိမ်)
ပထမလတ်တန်း - အဘိဓမ္မတ္ထသင်္ဂဟ မေးခွန်း
၁၃၈၀-ပြည့်၊ တပို့တွဲလပြည့်ကျော် (၁၁) ရက်၊ (၂-၃-၂၀၁၉) စနေနေ့
ခွင့်ပြုချိန်။ ။(၃-နာရီ - မွန်းတည့် ၁၂းဝဝ နာရီမှ ညနေ ၃းဝဝ နာရီအထိ)
---------
၁။ လောက, သံသရာမှ ထွက်မြောက်လိုသဖြင့် တရားအားထုတ်နေကြသည့် ယောဂါဝစရပုဂ္ဂိုလ်တို့အတွက် လောကမှ မထွက်မြောက်မီ လောကီရူပဈာန်များဖြစ်ပုံပြ သင်္ဂဟပါဠိတို့ကို ရေးပြပါ။
၂။ နာမ်သည် ရုပ်အား ကျေးဇူးပြုပုံပြ စုဏ္ဏိယပါဠိတို့ကို ပစ္စည်း, ပစ္စယုပ္ပန်ပေါ်လွင်အောင် အနက်ပေးပြပါ။
၃။ ဈာနမေကေကမန္တေ တု-၌ အန္တေ-အရကို ကောက်ပြပြီးလျှင် အရိယာဖြစ်လျက် နိယတဖြစ်ခွင့်ရှိသော စေတသိက်တို့ကိုလည်း အကြောင်းနှင့်တကွ ကောက်ပြပါ။
၄။ ဉာဏ်ရှေးရှု လှူဒါန်းနိုင်ပါလျက် လှူဒါန်းပြီးနောက်မှ မိမိအလှူဒါနအတွက် ပူပင်သောကရောက်နေသော ပုဂ္ဂိုလ်အား ပေးနိုင်သော ပဋိသန္ဓေအကျိုး, ပဝတ္တိအကျိုးတို့ကို ရေးသား၍ ခန္ဓာကိုယ် နူးညံ့နေခြင်းသည် အဘယ်အကြောင်းတရားကြောင့် ဖြစ်သည်ကိုလည်း ပါဠိသာဓကထောက်၍ ဖြေပြပါ။
၅။ နာမ်ရုပ်နှစ်ပါးသည် နာမ်ရုပ်နှစ်ပါးအား ကျေးဇူးပြုသောပစ္စည်းတို့ကို ရေတွက်ပြ၍ မေတ္တာတရား အထူးလက်ကိုင်ထားသင့်သော ပုဂ္ဂိုလ်နှင့် မေတ္တာစွမ်းအင်ကြောင့် ရရှိအပ်သော အကျိုးတို့ကိုလည်း ရေးသားခဲ့ပါ။
၆။ မဟဂ္ဂုတ်, လောကုတ္တရာဇောတို့နောင် တဒါရုံမကျခြင်းအကြောင်းကို ရေး၍ မရဏာသန္နအခါ၌ မရဏာသန္နဇော (၅)ကြိမ်သာ စောရခြင်းအကြောင်းကိုလည်း ဖြေပါ။
၇။ သက်တမ်းမမြဲသောပုဂ္ဂိုလ်တို့ကို အကြောင်းနှင့်တကွ ဖြေပြ၍၊ အာယုက္ခယမရဏ၏ အဓိပ္ပါယ်ကိုလည်း ဋီကာလာအတိုင်း ရေးခဲ့ပါ။
၈။ နှလုံးသားခေါ် ဟဒယဝတ္ထု၏ တည်ရာဌာနကို ဖော်ပြ၍ ဇာတိရုပ်တစ်ခုတည်းကိုပင် ဥပစယ, သန္တတိဟု ခွဲခြား၍ ဟောရခြင်းအကြောင်းကိုလည်း ဋီကာလာအတိုင်း ရေးပြပါ။
တစ်ပုစ္ဆာလျှင် (၁၀) မှတ်စီ။
---------------------------------------------------------------------
မန္တလေးမြို့ ၊ မစိုးရိမ်တိုက်သစ်
ဓမ္မာနုဂ္ဂဟစာမေးပွဲ (တတိယအကြိမ်)
ပထမလတ်တန်း - မာတိကာ,ဓာတုကထာ မေးခွန်း
၁၃၈၀-ပြည့်၊ တပို့တွဲလပြည့်ကျော် (၁၂) ရက်၊ (၃-၃-၂၀၁၉) တနင်္ဂနွေနေ့
ခွင့်ပြုချိန်။ ။(၃-နာရီ - မွန်းတည့် ၁၂းဝဝ နာရီမှ ညနေ ၃းဝဝ နာရီအထိ)
---------
၁။ နာမရူပဒုက်ကို နိသျကျကျ အနက်ပေး၍ အောက်ပါတို့ကိုလည်း တိကျမှန်ကန်စွာ အရကောက်ပြပါ။
(က) ဓာတုကုသလတာ စ (ခ) ဣန္ဒြိယေသု ဂုတ္တဒွါရတာ စ (ဂ) ဒိဋ္ဌိဝိသုဒ္ဓိ ခေါ ပန ဓမ္မာ
၂။ ဖဿသတ္တကရာသိဥဒ္ဒေသ-၌ သတ္တ-သင်္ချာ၏ သင်္ချေယျသရုပ်ကို ထုတ်ပြပြီးလျှင် ခန္ဓာဒိဥဒ္ဒေသ၌ ပါဝင်ပြီး ဖြစ်လျက် ဖဿသတ္တကရာသိဥဒ္ဒေသကို ထပ်၍ ဟောရခြင်းအကြောင်းကိုလည်း ဖြေဆိုပါ။
၃။ ဗာဟိရမာတိကာ၏ ဥဒ္ဒေသပါဠိကို အနက်ပေး၍ အောက်ဖော်ပြပါ (က) (ခ) (ဂ) တို့၏ တရားကိုယ်ကို ဥဒ္ဒေသနှင့်အညီ ကောက်ပြပါ။
(က) သမာဓိန္ဒြိယံ (ခ) ပရိဒေဝ (ဂ) အဓိမောက္ခ
၄။ ပဌမနယ၌ ဟောအပ်သောပုဒ်တို့၏ အရေအတွက်ကို ပါဠိတော်နည်း, အဋ္ဌကထာနည်းအားဖြင့် ဖော်ပြ၍ ရူပဘဝ-၏ တရားကိုယ်ကို ပဌမနယနှင့်အညီ ခန္ဓာ, အာယတန, ဓာတ်တို့ဖြင့် ရေတွက်ပြပါ။
၅။ သောက-စသည်တို့ကို ပဋိစ္စသမုပ္ပါဒ်၏ အင်္ဂါအဖြစ်ဖြင့် မရေတွက်ရခြင်းအကြောင်းနှင့် ဣတ္ထိန္ဒြိယေန ယေ ဓမ္မာ-၌ ယေ ဓမ္မာ-အရတရားတို့ကို ဒုတိယ, ပဉ္စမနယနှင့်အညီ ဖော်ပြ၍ ဈာနံ-ပုဒ်ကို ဆဋ္ဌနယနှင့်အညီ ပါဠိ, ဝိဿဇ္ဇနာအပြည့်အစုံ ထုတ်ခဲ့ပါ။
၆။ ဆဋ္ဌနယအကျဉ်းဆောင်ပုဒ်ကို အစဉ်ကျကျ ဖော်ပြ၍၊ ဝိပ္ပယုတ် ၄-မျိုးကိုလည်း အဓိပ္ပါယ်နှင့်တကွ ရေးပြီးလျှင် ဥပေက္ခိန္ဒြိယေန ယေ ဓမ္မာ-၌ ယေ ဓမ္မာ-အရတရားတို့ကို သတ္တမ, အဋ္ဌမ, နဝမနယတို့နှင့် အညီ ကောက်ပြပါ။
၇။ ဧကာဒသမနယ၏ ဥဒါန်းစဉ်ဂါထာပါဠိကို ရေး၍ ကေဟိစိထုတ်ရသော နယများကို ကေဟိစိထုတ်ရခြင်း အကြောင်းနှင့်တကွ ဖော်ပြ၍ ဟောပုဒ်-သင်္ချာတူသော နယများကိုလည်း တွဲစပ်ဖော်ပြခဲ့ပါ။
၈။ ပဉ္စမနယ၌ ကတ္တားပြန်၍ ဟောရခြင်းအကြောင်းနှင့် ကတ္တားပြန်သော နယများကိုလည်း ပြည့်စုံစွာ ထုတ်ပြ၍ တေရသမနယ အကျဉ်းဆောင်ပုဒ်ဝယ် “ရူ-အ”၌ အ-အရ ဖြစ်သင့်သော ဟောရာတူ ပုဒ်အပေါင်းကိုလည်း သင်္ချာမျှ ဖော်ပြပါ။
တစ်ပုစ္ဆာလျှင် (၁၀) မှတ်စီ။
-----------------------------------------------------------------------------------------
မန္တလေးမြို့ ၊ မစိုးရိမ်တိုက်သစ်
ဓမ္မာနုဂ္ဂဟစာမေးပွဲ (တတိယအကြိမ်)
ပထမလတ်တန်း - အောက်ယမိုက် (၅)ကျမ်း မေးခွန်း
၁၃၈၀-ပြည့်၊ တပို့တွဲလပြည့်ကျော် (၁၃) ရက်၊ (၄-၃-၂၀၁၉) တနင်္လာနေ့
ခွင့်ပြုချိန်။ ။(၃-နာရီ - မွန်းတည့် ၁၂းဝဝ နာရီမှ ညနေ ၃းဝဝ နာရီအထိ)
-----------
၁။ ”ဝိဘင်းဖြောင့်, လိမ်၊ ဉာဏ်ဖြင့်ချိန်”နှင့်အညီ မူလယမိုက် မူလဝါရ၌ ဟောသော ပဒလေးပါးတို့တွင် ဝိဘင်းလိမ်အရေအတွက်ကို သင်္ချာမျှဖော်ပြပြီး ကုသလပဒ၌ ဒုတိယမြောက် ဝိဘင်းလိမ်ဖြစ်သော ဝိဿဇ္ဇနာပါဠိတို့ကိုသာ ရေးပါ။
၂။ အဗျာကတပဒ, ဧကမူလယမက၌ ပဋိလောမပုစ္ဆာ၏ ဝိဿဇ္ဇနာပါဠိကို အကြောင်းပြ၍ ထုတ်ပြပြီး အဟိတ်နာမ်တရားတို့ကိုလည်း ဖော်ပြပါ။
၃။ (က) ရုပ်သည် ခန္ဓာမည်သလော?
(ခ ) ရုပ်မမည်သောတရားသည် ခန္ဓာ မမည်သလော?-ဟူသော ပုစ္ဆာတို့၏ ဝိဿဇ္ဇနာပါဠိတို့ကို ရေး၍ နှစ်ဖက်ရတရားကိုသာ ကောက်ပြပါ။
၄။ ယဿ ရူပက္ခန္ဓော နုပ္ပဇ္ဇိဿတိ၊ တဿ ဝေဒနာက္ခန္ဓော နုပ္ပဇ္ဇိဿတိ-ဟူသော ပုစ္ဆာ၏ အဖြေဝိဘင်းပါဠိကို ထုတ်၍ တစ်ဖက်ရတရားကိုသာ ကောက်ပြပါ။
၅။ (က) ဂန္ဓမည်သောတရား
(ခ ) ဓမ္မမည်သောတရား
(ဂ ) ကာယမည်သောတရားတို့ကို အသီးသီး ကောက်ပြပါ။
၆။ (က) စက္ခာယတန, ရူပါယတန နှစ်ပါးစုံဖြစ်ဆဲပုဂ္ဂိုလ်။
(ခ ) ဃာနာယတန, ရူပါယတန နှစ်ပါးစုံဖြစ်ဆဲပုဂ္ဂိုလ်တို့ကို ဖော်ပြပါ။
၇။ ယဿ ယတ္ထ ဒုက္ခသစ္စံ ဥပ္ပဇ္ဇိတ္ထ၊ တဿ တတ္ထ သမုဒယသစ္စံ ဥပ္ပဇ္ဇိတ္ထ။-ဟူသော ပုစ္ဆာ၏ တစ်ဖက်ရဝိဘင်း ပါဠိကိုသာ ရေးပြီး ယင်းပါဠိကို အနက်ပေးခဲ့ပါ။
၈။ ဓာတုယမက၏ ပဝတ္တိဝါရ၌ မဟောသောဓာတ်တို့ကို အကြောင်းပြ၍ ရေတွက်ပြပြီး သစ္စာလေးပါးတို့တွင် ဒုက္ခသစ္စာကို အစထား၍ ဟောရခြင်းအကြောင်းတို့ကိုလည်း ရေးပါ။
တစ်ပုစ္ဆာလျှင် (၁၀) မှတ်စီ။
No comments:
Post a Comment