မန္တလေးမြို့, မစိုးရိမ်တိုက်သစ်
စာချတန်း။ ။ ပါရာဇိကကဏ္ဍဋ္ဌကထာ (ဒုတိယနေ့) မေးခွန်း
၁၃၈၁-ခုနှစ်၊ တန်ဆောင်မုန်းလပြည့်ကျော် (၁၅) ရက် (၂၆၊ ၁၁၊ ၂၀၁၉) အင်္ဂါနေ့
ခွင့်ပြုချိန်။ ။ ၄-နာရီ (နေ့လည် ၁၂-နာရီမှ ညနေ ၄-နာရီအထိ
(က) တီသု စေတေသု တိဿော သိက္ခာ တီဏိ ပဟာနာနိ စတုဗ္ဗိဓော စ ဂမ္ဘီရဘာဝေါ ဝေဒိတဗ္ဗော။
(ခ ) တထာ ဟိ ဝိနယပိဋကေ ဝိသေသေန အဓိသီလသိက္ခာ ဝုတ္တာ, သုတ္တန္တပိဋကေ အဓိစိတ္တသိက္ခာ။
(ဂ ) အဘိဓမ္မပိဋကေ အဓိပညာသိက္ခာ။
၁။ သင်္ချာသဒ္ဒါတို့၏ သင်္ချေယျသရုပ် ပေါ်လွင်စေလျက် (က) ဝါကျကို အနက်ပေးခဲ့ပါ။
၂။ (ခ) စသောဝါကျတို့ကို သာဘောဂပုစ္ဆာကျမ်းတက်၍ (ဂ) ဝါကျကို အနုသန္ဓေ ကျမ်းတက်ပြပါ။ (ဝါကျတက်မလို)
၃။ (ခ) စသောဝါကျတို့ကို ပြည့်စုံစွာ အကြောင်းပြ၍ ဝါကျအမည်များ ပေးခဲ့ပါ။
၄။ ပိဋကပုဒ်ကို ဝိဂ္ဂဟပြု၍ ဉာသ်နည်းအရ ကောက်ပြခဲ့ပါ။
၅။ ဂမ္ဘီရ၊ ဝိသေသ၊ သုတ္တ၊ စိတ္တ၊ ပဟာန-ပုဒ်တို့ကို ဓာတု, ပစ္စယ, လိင်္ဂ, ဂဏ, ကာရန္တတို့ဖြင့် ဝေဖန်ပြပါ။
၆။ ဒီဃနိကာယောတိ ဒီဃပ္ပမာဏာနံ သုတ္တာနံ သမူဟတော နိဝါသတော စ-၌ သံဝဏ္ဏနာတို့ကို အာဘောဂနှင့်တကွ အကြောင်းပြကာ သံဝဏ္ဏနာအမည်များ ပေးပြပါ။
၇။ ဂမ္ဘီရဘာဝေါ/ ဂဘီရဘာဝေါ၊ ဝေဒိတဗ္ဗော/ဝေဒိတဗ္ဗာ-တို့ကို ပါဌဝိနိစ္ဆယ ချပြခဲ့ပါ။
၈။ ဝိသေသေန အဓိသီလသိက္ခာ-၌ နည်း, ဥပစာတို့ကို ဆိုရိုးကျ ရေးသားခဲ့ပါ။
၉။ ထိုမောဃပုရိသတို့သည် ထိုပါဠိကို သင်ယူပြီး၍ ထိုပါဠိတို့၏ ပညာဖြင့် အနက်အဓိပ္ပါယ်ကို (ဝါ) အကျိုးကို မစူးစမ်း, မစိစစ်ကြကုန်။ ထိုမောဃပုရိသတို့၏ (ဝါ) တို့သည် ထိုပါဠိတို့သည် ပညာဖြင့် အနက်အဓိပ္ပါယ်ကို မစူးစမ်းကုန်လတ်သော် (ဝါ) မစူးစမ်းကုန်သော ထိုသူတို့၏ ထိုပါဠိတို့သည် အကြွင်းမဲ့ ရှုဆင်ခြင်တတ်သော ဉာဏ်ကို မခံ့ကုန်-ဟူသော မြန်မာပြန်ကို ပါဠိစုဏ္ဏိယ စီကုံးခဲ့ပါ။
၁၀။ ဝုတ္တာ-၌ ဓာတွတ္ထအရကို ကိုယ်ပြု၍ ခန္ဓောတရဏဟာရနေတ္တိနည်း ထုတ်ပြပါ။
တစ်ပုစ္ဆာလျှင် (၁၀) မှတ်စီ
မန္တလေးမြို့, မစိုးရိမ်တိုက်သစ်
စာချတန်း။ ။ ပါရာဇိကကဏ္ဍဋ္ဌကထာ (ဒုတိယနေ့) အဖြေ
၁၃၈၁-ခုနှစ်၊ တန်ဆောင်မုန်းလပြည့်ကျော် (၁၅) ရက် (၂၆၊ ၁၁၊ ၂၀၁၉) အင်္ဂါနေ့
ခွင့်ပြုချိန်။ ။ ၄-နာရီ (နေ့လည် ၁၂-နာရီမှ ညနေ ၄-နာရီအထိ
ပါ-ဒုနေ့-အဖြေ- ၁။ စ၊ သိက္ခာပဟာနဂမ္ဘီရဝဉ္စ-ဟူသော ပုဒ်တို့၏ အဖွင့်ကို ဆိုဦးအံ့။ တီသုပိ၊ ဝိနယပိဋက, သုတ္တန္တပိဋက, အဘိဓမ္မပိဋကအားဖြင့် သုံးပါးလည်းဖြစ်သော။ ဧတေသု ပိဋကေသု၊ ဤပိဋကတို့၌။ တိဿော၊ အဓိသီလ, အဓိစိတ္တ, အဓိပညာတို့၏အစွမ်းအားဖြင့် သုံးပါးကုန်သော။ သိက္ခာ စ၊ သိက္ခာတို့ကိုလည်းကောင်း။ တီဏိ၊ ဝီတိက္ကမပဟာန်, ပရိယုဋ္ဌာနပဟာန်, အနုသယပဟာန်တို့၏အစွမ်းအားဖြင့် သုံးပါးကုန်သော။ ပဟာနာနိ စ၊ ပဟာန်တို့ကိုလည်းကောင်း။ စတုဗ္ဗိဓော၊ ဓမ္မ, အတ္ထ, ဒေသနာ, ပဋိဝေဓတို့၏ အစွမ်းအားဖြင့် လေးပါးကုန်သော အပြားတို့ရှိသော။ ဂမ္ဘီရဘာဝေါ စ၊ နက်နဲကုန်သည်၏အဖြစ်ကိုလည်းကောင်း။ ဝေဒိတဗ္ဗော၊ သိအပ်၏။
---------------------------------------------------------------------------
ပါ-ဒုနေ့-အဖြေ- ၂။ (ခ) စသောဝါကျတို့ကို သာဘောဂပုစ္ဆာကျမ်းတက်ပုံ
အရှင်အဋ္ဌကထာဆရာ- ဆရာသည် (က)ဝါကျဖြင့် ပိဋကသုံးပုံတို့၌ သိက္ခာသုံးရပ်, ပဟာန်သုံးမျိုး, ဂမ္ဘီရလေးပါးတို့ကို သိအပ်၏-ဟု ဖွင့်ဆိုတော်မူ၏။ (ဌပနာ) (သရုပ်ဖော်၍ ဌပနာထားပါကလည်း အမှတ်ပေးရန်)
ထိုတွင် သိက္ခာသုံးရပ်လုံးကို ဝိနည်းပိဋက၌ ဟောတော်မူပါသလော။ (ဝါ) အဓိသီလသိက္ခာကို ပိဋကသုံးပါးလုံး၌ ဟောတော်မူပါသလော။ (အာဘော်)
အဘယ်သီလကို အဘယ်ပိဋက၌ အထူးအားဖြင့် ဟောတော်မူပါသနည်း။ (ပုစ္ဆာ) ဤသို့မေးဖွယ်ရှိ၍ ထိုအမေးကို ဖြေကြားတော်မူလိုသော အဋ္ဌကထာဆရာသည် (ခ) စသောဝါကျတို့ကိုမိန့်။
အဓိပ္ပါယ်ကား- (ခ)စသော ဝါကျတို့ဖြင့် သိက္ခာသုံးရပ်လုံးကို ဝိနည်းပိဋက၌ ဟောတော်မူသည်ကား မဟုတ်ပါ။
စင်စစ်သော်ကား အဓိသီလသိက္ခာကို ဝိနည်းပိဋက၌ အထူးအားဖြင့် ဟောတော်မူပါ၏ဟု ငါပြဆိုပါ၏ဟူလို။ (၆-မှတ်)
(ဂ) ဝါကျ အနုသန္ဓေကျမ်းတက်
ဤသို့ (ခ) ဝါကျဖြင့် ဝိနည်းပိဋက, သုတ္တန်ပိဋကတို့၌ အထူးအားဖြင့် ဟောတော်မူအပ်သော သီလတို့ကို အကျဉ်းအားဖြင့် ပြဆိုတော်မူပြီး၍ ယခုအခါ၌ အဘိဓမ္မာပိဋက၌ အထူးအားဖြင့် ဟောတော်မူအပ်သော သီလကို အကျဉ်းအားဖြင့် ဖွင့်ပြတော်မူလိုသော အဋ္ဌကထာဆရာသည် (ဂ) ဝါကျကို မိန့်။ (၄-မှတ်)
ပါ-ဒုနေ့-အဖြေ- ၃။ (ခ) စသောဝါကျတို့သည် တိဿော သိက္ခာ-ပုဒ်တို့၏ အကျယ်ကို ချဲ့ပြသောကြောင့် ဝိတ္ထာရဝါကျ။ (ဒဠှီကြံကလည်း အမှတ်ပေးရန်) ထို ၍ (က) ဝါကျသည် သင်္ခေပ/ဒဠှိယဝါကျ။
(ဂ) ဝါကျသည် ဝိနည်းပိဋက, သုတ္တန်ပိဋကတို့၌ ဟောအပ်သောသီလမှတပါး အဘိဓမ္မာပိဋက၌ ဟောအပ်သော သီလကို ပြဆိုသောကြောင့် ပက္ခန္တရဝါကျ။ ထို-၍ (ခ) ဝါကျသည် ပက္ခဝါကျ။
---------------------------------------------------------------------------
ပါ-ဒုနေ့-အဖြေ- ၄။ ပိဋီယတိ သဒ္ဒီယတိ ပရိယာပုဏီယတီတိ ပိဋကံ။ (ကမ္မသာဓ်)
ယံ ဝိနယာဒိကံ၊ အကြင်ဝိနည်းအစရှိသည်တို့ကို။ သေယျတ္ထိကေန၊ လောကုတ္တရာတရားကို အလိုရှိသောသူသည်။ ပိဋီယတိ သဒ္ဒီယတိ ပရိယာပုဏီယတိ၊ သင်ယူအပ်၏။ ဣတိ တသ္မာ၊ တံ ဝိနယာဒိကံ၊ ပိဋကံ၊ မည်၏။
ပိဋီယတိ သဒ္ဒီယတိ ပရိယာပုဏီယတီတိ-ကား ကမ္မသာဓနကိတ်ဝိဂြိုဟ်။ ပိဋကံ-ကား ကမ္မသာဓနကိတ်ပုဒ်။ ပိဋဓာတ်+ဏွုပစ္စည်း။
ပိဋဓာတ်အရ ကတ္တုဋ္ဌကြိယာကား ကိုးပါးသော လောကုတ္တရာတရားကို အလိုရှိသောသူ၏ သန္တာန်၌ သဒ္ဓါ, ဝီရိယ, သတိ-စသည်ပြဓာန်းသော ကုသိုလ်စိတ္တုပ္ပါဒ်သည် မုချအားဖြင့် ရ၏။
ကမ္မဋ္ဌကြိယာကား ထိုစိတ္တုပ္ပါဒ်အား တပ်သော ပိဋကဒြဗ်၏ အာရမ္မဏပစ္စယသတ္တိသည် ဖလူပစာ။
ဏွုပစ္စည်း၏အရကား ထိုမုချ, ဖလူပစာအားဖြင့် မှတ်အပ်သော အာရမ္မဏပစ္စယသတ္တိမန္တဖြစ်သော ဝိနည်းစသော ပိဋကဒြဗ်ရ၏။
(တနည်း)
ပိဋီယတိ သင်္ဃာဋီယတိ တံ တဒတ္ထော ဧတ္ထာတိ ပိဋကံ။ (အဓိကရဏသာဓ်)
ဧတ္ထ၊ ဤဝိနည်းစသည်၌။ တံ တဒတ္ထော၊ ထိုထိုအကျိုးစီးပွါးကို။ ဝါ၊ ထိုထိုအနက်ကို။ ဘဂဝတာ၊ သည်။ ပိဋီယတိ သင်္ဃာဋီယတိ၊ ပေါင်းအပ်၏။ ဣတိ တသ္မာ၊ ထိုသို့ အကျိုးစီးပွါး (ဝါ) အနက်ကို ပေါင်းအပ်ရာ၏ အဖြစ်ကြောင့်။ တံ၊ ထိုဝိနည်းစသည်သည်။ ပိဋကံ၊ မည်၏။
ပိဋီယတိ သင်္ဃာဋီယတိ တံ တဒတ္ထော ဧတ္ထာတိ-ကား အဓိကရဏသာဓန ကိတ်ဝိဂြိုဟ်။ ပိဋကံ-ကား အဓိကရဏသာဓနကိတ်ပုဒ်။ ပိဋဓာတ်+ဏွု-ပစ္စည်း။
ပိဋဓာတ်၏အရ ကတ္တုဋ္ဌကြိယာကား မြတ်စွာဘုရား၏ ဒေသနာဉာဏ်ပြဋ္ဌာန်းသော စိတ္တုပ္ပါဒ်သည် မုချ။
အဓိကရဏဋ္ဌကြိယာကား ထိုအားတပ်သော (မနသာဝဝတ္ထိတ) ပိဋက၏ အာရမ္မဏပစ္စယသတ္တိသည် ဖလူ။
ဏွု-ကား ထို-သော ဝိနည်းစသော (မနသာဝဝတ္ထိတ) ပိဋကဒြဗ်ရ၏။
(တနည်းနည်းမှန်လျှင် အမှတ်ပြည့်ပေးပါ။)
ပါ-ဒုနေ့-အဖြေ- ၅။ ဂမ္ဘီရ- ဂမု-ဓာတ်/ ဂ-ဘိဒိ-ဓာတ်/ဂစ္ဆန္တ-ဘီဓာတ်+ ဤရ/ကီရ-ပစ္စည်း။ ပုလ္လိင်၊ ပုရိသာဒိဂိုဏ်း။ အကာရန္တ။
ဝိသေသ- ဝိ-သိသဓာတ်+ဏပစ္စည်း။ ပုလ္လိင်, ပုရိသာဒိဂိုဏ်း, အကာရန္တ။
သုတ္တ- သု-တာဓာတ်+တပစ္စည်း။ နပုလ္လိင်။ စိတ္တာဒိဂိုဏ်း။ အကာရန္တ။
စိတ္တ- စိန္တ/စိ-ဓာတ်+တ-ပစ္စည်း။ စိတ-တာ/စိတ္တဓာတ်+အပစ္စည်း။ နပုလ္လိင်၊ စိတ္တာဒိဂိုဏ်း၊ အကာရန္တ။
ပဟာန- ပ-ဟာဓာတ်+ယုပစ္စည်း။ နပုလ္လိင်, စိတ္တာဒိဂိုဏ်း, အကာရန္တ။
---------------------------------------------------------------------------
ပါ-ဒုနေ့-အဖြေ-၆။ ဒီဃပ္ပမာဏာနံ သုတ္တာနံ-ဖြင့် ဒီဃနိကာယော-ဝယ် ဒီဃအရ ရှည်သောဂုဏ်ကို မယူရ၊ အရှည်အနက်ကို လွန်သော ရှည်သောပမာဏရှိသော သုတ္တန်ဒြဗ်ကို ဂုဏူပစာအားဖြင့် ယူ-သိစေပါသည်။ (သရုပ်ကြားအဘိဓေယျတ္ထ) (၂-မှတ်)
(တနည်း) ဒီဃ-ကား ဒီဃပုဒ်+ဏပစ္စည်း။ ဏပစ္စည်း၏ ပမာဏတဒ္ဓိတ်အနက်၌ သက်-လည်းကောင်း။ (ပစ္စယတ္ထ) ယင်းအားလျော်စွာ ဒီဃပ္ပမာဏာနီတိ ဒီဃာနိ-ဟု ဝစနတ္ထပြု-လည်းကောင်း။ (အဘိဓာနတ္ထသံဝဏ္ဏနာ) ဒီဃမည်ခြင်း၏ အကြောင်းသကတ်ကိုလည်းကောင်း။ (သကတ္ထ)
(တနည်း) ဒီဃ-ကား ဒီဃပုဒ်+ဏပစ္စည်း။ ဏပစ္စည်း၏ အဿတ္ထိတဒ္ဓိတ်အနက်၌ သက်-၊ ယင်း-စွာ ဒီဃံ ဧတေသံ အတ္ထီတိ ဒီဃာနိ-ဟု ဝစနတ္ထပြု။ အကြောင်းသကတ် သိစေပါသည်။(တနည်းနည်းမှန် ၃-မှတ်)
သမူဟတော နိဝါသတော စ-ဖြင့် ဒီဃနိကာယော-ဝယ် နိကာယသဒ္ဒါသည် ရုဠှီ၏အစွမ်းအားဖြင့် သမူဟအနက်, နိဝါသအနက်ကို ဟော၏-ဟု သိစေပါသည်။ (နာမလိင်္ဂတ္ထ၊ သဒ္ဒတ္ထ၊ အဘိဓေယျတ္ထ) (၂-မှတ်)
တစ်ဝါကျလုံးဖြင့် ဒီဃနိကာယော-ကား ဒီဃပုဒ်, နိကာယပုဒ်၊ ယင်းနှစ်ပုဒ်၏ ဆဋ္ဌီတပ္ပုရိသ်သမာသ်၏ အဖြစ်ကိုလည်းကောင်း။ (သမာသလိင်္ဂပဒသံဝဏ္ဏနာ)၊ ယင်းသမာသ်၏ ဆဋ္ဌီအနက်ကို ဟော-လည်းကောင်း၊ (သမာသလိင်္ဂတ္ထ) ယင်းအားလျော်စွာ ဒီဃာနံ နိကာယော ဒီဃနိကာယော-ဟု ဝစနတ္ထပြု-လည်းကောင်း (အဘိဓာနတ္ထ၊ သမာသလိင်္ဂပဒတ္ထသံဝဏ္ဏနာ) အကြောင်းသကတ် သိစေပါသည်။ (၃-မှတ်)
ပါ-ဒုနေ့-အဖြေ-၇။ ဂမ္ဘီရဘာဝေါ/ ဂဘီရဘာဝေါ-နှစ်ပါဌ်လုံး သင့်ပါသည်။
အကြောင်းကား ဂမ္ဘီရော-ကား ဂမဓာတ်+ကီရပစ္စည်း။ (ကအနုဗန်ရှိသော ဤရ) ဓာတ်၏အဆုံး၌ ဘ-အက္ခရာ လာ၊ မ-ကို ဘ-သို့ကပ်။ မ္ဘ-ကို ဤသို့ကပ်။ ဂမ္ဘီရပြီး၏။ ဓာတွန် မ-ကို ချေလျှင် ဂမ္ဘီရပြီး၏။ ထို့ကြောင့် နှစ်ပါဌ်သင့်ပါသည်။
(တနည်း) ဂမုဓာတ်, ဘီဓာတ်+ဤရပစ္စည်း။ (ဝါ) ဂေါ-ဘီ+ဤရပစ္စည်းဖြင့် ပြီးသောကြောင့်လည်းကောင်း၊ ဂဘီရနိန္နဂမ္ဘီရာ-ဟု အဘိဓာန်၌ လာသောကြောင့်လည်းကောင်း နှစ်ပါဌ်သင့်ပါသည်။ (၅-မှတ်။ တနည်းနည်းမှန်လျှင်ပေးပါ။)
ဝေဒိတဗ္ဗော/ ဝေဒိတဗ္ဗော
ဝေဒိတဗ္ဗောပါဌ်သာ သင့်သည်။
အကြောင်းကား ‘‘ကံ, ကတ္တားများ၊ လိင်, ဝုစ်ပြား၍၊ ထားသည့်ကြိယာ၊ လိင်, ဝုစ်မှာကား၊ နောက်ဖျားရှိငြား၊ ကံ, ကတ္တားနှင့်၊ တူငြားအမှန်၊ ထားကြရန်’’-ဟူသော နိယံ။ ‘‘နှစ်, သုံး, လေး, ငါး၊ ကံ, ကတ္တားနှင့်၊ ထားသည့်အရာ၊ ကြိယာကား၊ ရှေ့မှာ နောက်ဖျား၊ ကံ, ကတ္တားနှင့်၊ ရငြားလိင်, ဝုစ်၊ အတူတည်း’’ဟူသော နိယံတို့ကို ထောက်၍ ဂမ္ဘီရဘာဝေါ-ဟူသော နောက်ဖျားကံပုဒ်ကို ကြည့်၍ ထားရသောကြောင့်တည်း။ (၅-မှတ်)
(နိယံတစ်ခုခုမှန်လျှင် ပေးပါ။)
---------------------------------------------------------------------------
ပါ-ဒုနေ့-အဖြေ-၈။ ဝိသေသန အဓိသီလသိက္ခာ-၌ ဧကဒေသူပစာ
အစိတ်ဖြစ်သော အဓိသီလသိက္ခာ၏ အဓိသီလသိက္ခာ-ဟူသောအမည်ကို အပေါင်းဖြစ်သော အဓိသီလသိက္ခာ, အဓိစိတ္တသိက္ခာ, အဓိပညာသိက္ခာတို့၌ တင်စား၍ အပေါင်းဖြစ်သော အဓိသီလသိက္ခာ, အဓိစိတ္တသိက္ခာ, အဓိပညာသိက္ခာတို့ကို အဓိသီလသိက္ခာ-ဟု ဆိုသောကြောင့် ဧကဒေသူပစာ။
ယေဘုယျနည်း- ဌာနီဖြင့် ဌာနကိုမှတ်၍ အများကိုဆိုသဖြင့် အနည်းကိုလည်း ရသောနည်းသည် ယေဘုယျနည်းမည်၏။ ပြယုဂ်ကား အဓိသီလသိက္ခာ-ဟူသည်တည်း။
ဤ၌ အဓိသီလသိက္ခာ-ဟူသောနည်းသည် အဓိသီလသိက္ခာ-ဟူသောဌာနီဖြင့် ဝိနယပိဋကဟူသော ဌာနကိုမှတ်၍ အဓိသီလသိက္ခာဟူသော အများ (အထူး)ကို ဆိုသဖြင့် အဓိစိတ္တသိက္ခာ, အဓိပညာသိက္ခာ-ဟူသော အနည်းကိုလည်း ရသောကြောင့် ယေဘုယျနည်းမည်၏။ (ဥပလက္ခဏနည်းလည်း အမှတ်အနည်းငယ် လျှော့၍ ပေးပါ။)
ပါ-ဒုနေ့-အဖြေ-၉။ တေ တံ ဓမ္မံ ပရိယာပုဏိတွာ တေသံ ဓမ္မာနံ ပညာယ အတ္ထံ အတ္ထံ န ဥပပရိက္ခန္တိ။ တေသံ တေ ဓမ္မာ ပညာယ အတ္ထံ အနုပပရိက္ခိတံ န နိဇ္ဈာနံ ခမန္တိ။
---------------------------------------------------------------------------
ပါ-ဒုနေ့-အဖြေ-၁၀။ ဩတရဏဟာရဟူသော်ကား- ဩတာရီယန္တိ အနုပဝေသီယန္တိ ဧတေန သုတ္တာဂတဓမ္မာ ခန္ဓာဒီသူတိ ဩတရဏော၊ ဩတရဏော စ သော ဟာရော စာတိ ဩတရဏဟာရော။-ဟူသော ဝစနတ္ထနှင့်အညီ သုတ်၌လာသောတရားတို့ကို ခန္ဓာ, အာယတန, ဓာတ်, ဣန္ဒြေ, ပဋိစ္စသမုပ္ပါဒ်တို့၌ ထည့်သွင်းကြောင်းဖြစ်သောကြောင့် ဩတရဏဟာရမည်၏။
အဘယ်သို့ ထည့်သွင်းသနည်းဟူမူကား-
ဝုတ္တာ၌ ဝစဓာတ်အရ ဘုရားရှင်၏သန္တာန်၌ဖြစ်သော သောမနဿသဟဂုတ် မဟာကြိယာဉာဏသမ္ပယုတ် အသင်္ခါရိကစိတ်၊ စေတသိက် (၃၅)ပါးကိုယူ၍ ထိုတွင် ဝေဒနာသည် ဝေဒနာက္ခန္ဓာမည်၏။ သညာသည် သညာက္ခန္ဓာမည်၏။ ဝေဒနာ, သညာမှကြွင်းသော စေတသိက် (၃၃) ခုသည် သင်္ခါရက္ခန္ဓာမည်၏။ သောမနဿသဟဂုတ် မဟာကြိယာဉာဏသမ္ပယုတ် အသင်္ခါရိကစိတ်သည် ဝိညာဏက္ခန္ဓာမည်၏။ ဤသို့လျှင် ခန္ဓာ၌ ထည့်သွင်းရေတွက်ခြင်းသည် ခန္ဓောတရဏဟာရမည်၏။
